45-hadovaha vartaŭnika aryštavali ŭ Viciebsku pa abvinavačvańni, što jon napisaŭ «Žyvie Biełaruś!» na śniezie na aŭtamabili supracoŭnika milicyi.
Milicyjant vyjaviŭsia łukašystam i zamiest taho, kab prosta paśmichnucca, napisaŭ pa hetym fakcie zajavu ŭ svajo viedamstva.
U naniasieńni nadpisu abvinavacili mužčynu. Jaho aryštavali na 10 sutak i, miarkujučy pa dopisach u kanałach siłavikoŭ, šukajuć, što jašče jamu naviesić.
Na sudzie mužčyna skazaŭ, što prosta chacieŭ padniać susiedu nastroj, piša telehram-kanał @zamkadomby.
Łukašenkaŭcy sprabujuć zabaranić biełaruski nacyjanalny deviz «Žyvie Biełaruś!», jaki masava vykarystoŭvajecca praciŭnikami dyktatury. Adnačasova ludziej karajuć za vykarystańnie biełaruskaha nacyjanalnaha ściaha i hierba «Pahonia». Łukašenkaŭcy ŭviali zamiest ich ściah i hierb, prydumanyja pry Stalinie dla niesamastojnaj Biełaruskaj Savieckaj Sacyjalistyčnaj Respubliki.
Čytajcie taksama: Sapraŭdnyja biełaruskija simvały: voś što treba viedać pra Pahoniu i BČB. Čyrvona-zialony ściah — kałanijalny, jon byŭ prydumany stalinistami. Tady jak «Pahoni» bolš za 700 hadoŭ. A BČB uźnik na jaje asnovie
