Novabudoŭla znachodzicca pa adrasie Sucharaŭskaja, 40, pobač z 10-j haradskoj paliklinikaj. Darečy, u jaje ŭžo jość nazva — 14-ja haradskaja dziciačaja kliničnaja paliklinika. Tam 7 pavierchaŭ, praduhledžany i elemienty biezbarjernaha asiarodździa. Choły, kalidory, kabiniety palikliniki aformleny ŭ pastelnych tanach. Zusim chutka na ścieny paviesiać karciny dziciačych mastakoŭ.
U chole pieršaha paviercha ŭstalujuć vielizarnaje elektronnaje tabło z raskładam pryjomu daktaroŭ, a aparat «Elektronnaja čarha» tut užo jość.
Majucca i dva prastornyja pamiaškańni dla dziciačych kalasak. Akramia taho, na pieršym paviersie źjaviacca apteka i bufiet. U budynku niekalki liftaŭ: dla pacyjentaŭ, supracoŭnikaŭ, ludziej z abmiežavanymi mahčymaściami.
Hałoŭny doktar 14-j haradskoj dziciačaj kliničnaj palikliniki Natalla Tatur kaža, što budynak hatovy na 97%.
«Uvod u ekspłuatacyju zapłanavany ŭ pieršym kvartale 2023 hoda. Meblu amal usiu pryvieźli, ciapier jaje źbirajuć. Bolšaja častka miedycynskaha abstalavańnia zmantavanaja i ŭstalavanaja».
Za novaj paliklinikaj zamacujuć dziaciej i padletkaŭ z Sucharava — jany piarojduć z 10-j haradskoj palikliniki (hetaja paliklinika intehravanaja — u joj akazvajuć miedycynskuju dapamohu darosłym i dzieciam). Usiaho 18 200 čałaviek.
Pa prajekcie mahčymaści novaj dziciačaj palikliniki — 480 naviedvańniaŭ u źmienu.
U joj buduć piedyjatryčnaje adździaleńnie, stamatałahičnaje, fizijaterapieŭtyčnaje z błokam vodalačeńnia i śpieleapiačoraj, adździaleńnie miedycynskaj reabilitacyi, funkcyjanalnaj dyjahnostyki, klinika-dyjahnastyčnaja łabaratoryja.
Z vuzkich śpiecyjalistaŭ buduć prymać łor, kardyjołah, nieŭrołah, aftalmołah, chirurh, traŭmatołah.
Budzie sučasnaje abstalavańnie.
Pracavać u novuju palikliniku piarojduć supracoŭniki 10-j palikliniki (ź dziciačych adździaleńniaŭ), a taksama ź inšych ustanoŭ achovy zdaroŭja Minska. Ciapier štat ukamplektavany praktyčna na 90%.
