Jak adznačajuć ekśpierty ISW u novaj zvodcy, rasijskaja armija ŭsio bolš abapirajecca na iranskija bieśpiłotniki dla ŭdaraŭ pa abjektach ukrainskaj krytyčnaj infrastruktury.
Napiaredadni śpikier pavietranych sił Ukrainy Juryj Ihnat zajaviŭ, što ŭkrainskaja SPA źbiła 540 iranskich dronaŭ. Pa danych Ihnata, rasijanie padymajuć u pavietra «vielizarnyja rai» bieśpiłotnikaŭ, pakolki nie mohuć prarvać abaronu, vykarystoŭvajuć hrupy pa 5—10 «Šachiedaŭ».
Pradstaŭnik Hałoŭnaha ŭpraŭleńnia vajskovaj raźviedki Ukrainy Vadzim Skibicki śćviardžaje, što ad vieraśnia 2022 hoda Rasija vykarystała ŭžo 660 bieśpiłotnikaŭ. Pa źviestkach Skibickaha, jany prybyvajuć ź Irana ŭ Rasiju partyjami pa 200—300 adzinak, a ŭsiaho kantrakt raźličany na pieradaču 1750 dronaŭ.
Kali Rasija praciahnie ŭžyvać iranskija drony takimi ž tempami, jak u pieryjad ź vieraśnia pa śniežań 2022 hoda, to patracić usie abiacanyja 1750 bieśpiłotnikaŭ da maja 2023 hoda, adznačajecca ŭ spravazdačy ISW.
