Viačasłaŭ Vałodzin. Fota: Dziaržduma
«Jak tolki takoje rašeńnie budzie pryniataje, my majem prava na anałahičnyja dziejańni ŭ dačynieńni da aktyvaŭ Niamieččyny i inšych dziaržaŭ», — napisaŭ jon u svaim telehram-kanale.
Bierlin na aficyjnym uzroŭni nie zajaŭlaŭ ab hatoŭnaści pajści na hety krok.
Ahienctva «Błumbierh» na hetym tydni sa spasyłkaj na svaje krynicy pisała, što Niamieččyna razhladaje mahčymaść vykarystańnia zamarožanych aktyvaŭ Rasii dla adnaŭleńnia Ukrainy. Pry hetym, jak adznačałasia ŭ publikacyi, padobny varyjant Bierlin budzie razhladać, kali anałahična pastupiać jaho sajuźniki.
Taksama ahienctva adznačyła, što ŭnutry ŭrada Hiermanii pakul niama adzinaj pazicyi pa pytańni kanfiskacyi rasijskich aktyvaŭ.
U Niamieččynie zabłakavanyja rasijskija aktyvy na 5 młrd jeŭra.
Pa danych ahienctva «Błumbierh», Jeŭrapiejski sajuz zabłakavaŭ reziervy rasijskaha CB na 300 młrd jeŭra, a taksama zamaroziŭ aktyvy, jakija znachodziacca pad sankcyjami rasijskich biznesmienaŭ na sumu 19 młrd jeŭra.
Raniej pra pieradaču zamarožanych rasijskich aktyvaŭ zajaviła Estonija.
