Siońnia žychary Litvy ŭsiaho za 60 chvilin achviaravali miljon jeŭra. A litoŭskaja IT-kampanija Tesonet padvoiła ŭsie hrošy, pieraviedzienyja na bankaŭski rachunak i achviaravanyja pa telefonie na praciahu hetaj hadziny.
Zbor hrošaj praciahvajecca, i arhanizatary płanujuć da hadaviny pačatku vajny, 24 lutaha, sabrać 10 miljonaŭ jeŭra.
Akcyja dapamohi Ukrainie startavała 30 studzienia i nazyvajecca Radarom!. Dla jaje ažyćciaŭleńnia abjadnalisia nastupnyja arhanizacyi — Blue/Yellow, Laisvės TV, 1K fondas i «Mocnyja razam». Radary płanujuć kupić u izrailskich vytvorcaŭ, adzin taki radar z abstalavańniem kaštuje 1 młn jeŭra.
