Fota AP

Fota AP

Vajennyja ekśpierty źviartajuć uvahu na toje, što aficyjnyja asoby ŭ ZŠA i inšych zachodnich krainach ličać, što kolkaść zabitych i paranienych rasijskich vajskoŭcaŭ va Ukrainie nabližajecca da 200 tysiač čałaviek. Vialikaja kolkaść rasijskich strat u vajnie va Ukrainie praciahvaje akazvać zhubny ŭpłyŭ na bajazdolnaść rasijskich uzbrojenych sił i moža zaachvocić rasijskich aficyjnych asob pravieści druhuju chvalu mabilizacyi, pakolki vajskoŭcy rychtujucca da budučych nastupaŭ na Ukrainie, havorycca ŭ zvodcy ISW.

Akramia taho, rasijskaje minabarony płanuje aficyjna intehravać vojski z samaabvieščanych ŁNR i DNR u skład rasijskich uzbrojenych sił, pišuć analityki sa spasyłkaj na vajennych błohieraŭ. U pryvatnaści, vajenkar i reparcior VHTRK Alaksandr Sładkoŭ napisaŭ na dniach, što Minabarony Rasii transfarmuje złučeńni samaabvieščanych ŁNR i DNR u rehularnyja «bryhady, bataljony i pałki». Usio heta moža adbyvacca dziela inicyjatyvy ministra abarony Siarhieja Šajhu pa pavieličeńni kolkaści rasijskich vajskoŭcaŭ i stvareńni novych manieŭranych dyvizij, miarkujuć vajennyja analityki.

Tym časam rasijskija akupacyjnyja ŭłady praciahvajuć raspaŭsiudžvać śćviardžeńni ab tym, što ŭ składzie rasijskich dobraachvotnickich farmavańniaŭ słužać zamiežnyja dobraachvotniki — heta dazvalaje pradstaŭlać Rasiju mienš izalavanaj na mižnarodnym uzroŭni, havorycca ŭ zvodcy ISW. Naprykład, pryznačany Maskvoj hubiernatar akupavanaj častki Zaparožskaj vobłaści Jaŭhien Balicki raniej zajaŭlaŭ, što ŭ tak zvanym «dobraachvotnickim atradzie Zaparožskaj vobłaści» jość hramadzianie Sierbii i Turcyi, adnak «ISW nie vyjaviŭ nijakich paćviardžeńniaŭ hetaha».

Vajennyja ekśpierty miarkujuć, što padobnyja zajavy mohuć taksama vykarystoŭvacca dla taho, kab dać zrazumieć kankretnym zamiežnym krainam, što ŭ ich jość prarasijskija vybarščyki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?