U apieracyi brali ŭdzieł pamiežniki i mytniki Biełastockaha vajavodstva pry padtrymcy Jeŭrapała — kala 200 čałaviek. Usiaho było praviedziena pieratrusaŭ pa bolš jak pa 30 adrasach. Zatrymana 18 hramadzian Polščy, siarod jakich siem supracoŭnikaŭ mytni ŭ Babroŭnikach.
Na čale arhanizavanaj złačynnaj hrupy stajaŭ zatrymany ŭ Varšavie 59-hadovy hramadzianin Polščy, uradženiec Padlaskaha vajavodstva. Ciapier mužčyna žyvie ŭ Varšavie. Jon adkazvaŭ za zakaz cyharet u Biełarusi, arhanizacyju kantrabandy cyharet praź miažu i za ich dalejšaje raspaŭsiudžvańnie.
Pa miescy jaho žycharstva znajšli 190 tys. złotych, 95 tys. jeŭra i 6 kh zołata, a taksama značnyja sumy hrošaj, atrymanyja ŭ vyniku złačynstva, jakija jon chavaŭ ad členaŭ svajoj siamji. Mužčyna atrymaŭ abvinavačvańni ŭ kiraŭnictvie arhanizavanaj złačynnaj hrupaj, kantrabandzie cyharet, admyvańni hrošaj. Jon aryštavany na 3 miesiacy.
Taksama siem supracoŭnikaŭ mytni abvinavačvajucca va ŭdziele ŭ złačynnaj hrupie i atrymańni ŭznaharodžańnia ŭ suviazi z zajmanaj pasadaj u pamiery nie mienš za 400 tysiač jeŭra. Mytniki taksama aryštavanyja na try miesiacy da suda. Zatrymany 49-hadovy mužčyna, jaki kantaktavaŭ z mytniaj i płaciŭ mytnikam.
Siarod zatrymanych — dźvie žančyny 53 i 35 hadoŭ.
Paviedamlajecca, što struktura złačynnaj hrupy była vielmi dobra arhanizavanaja i ijerarchizavanaja. U joj byŭ pastajanny padzieł zadač i rolaŭ pamiž udzielnikami.
