Fota: gov.pl
Vyviedka pakazvaje, što hramadzian Polščy, jakija nakiroŭvajucca ŭ Kalininhradskuju vobłaść, pad roznymi padstavami vyklikajuć na razmovy, padčas jakich ich dapytvajuć supracoŭniki Fiederalnaj słužby biaśpieki. Jany źbirajuć źviestki ab metach pajezdki, kantaktach, a taksama sprabujuć atrymać dostup da dakumientaŭ, bankaŭskich kart i źmieściva mabilnych telefonaŭ.
Taksama supracoŭniki FSB cikaviacca padrabiaznaściami pryvatnaha žyćcia. Pavodle Žaryna, polskich hramadzian zapałochvajuć, užyvajuć cisk i «miakki šantaž». Siarod inšaha, u palakaŭ raspytvajuć pra pieramiaščeńnie vajskovaj techniki, pra znajomstvy ŭ polskich vajskovych słužbach.
Niekatorych palakaŭ prosiać zapoŭnić ankiety z pytańniami pra rasijskuju «śpiecapieracyju» va Ukrainie, Uładzimira Pucina, padzieńnie rakiety na terytoryju Polščy i navat pra tempieraturu ŭ polskich kvaterach.
Ankiety z pytańniami pra adnosiny da raspačataj Rasijaj vajny na terytoryi Ukrainy prosiać zapoŭnić biełarusaŭ i rasijan pry pierasiačeńni miažy z krainami ES. Adkazy mohuć stać padstavaj dla admovy va ŭjeździe.