Pavodle češskaj palicyi, Alaksieju Paleščuku 26 hod, źnik jon 9 sakavika. Jak ličać svajaki, jon pavinien byŭ pakinuć svajo miesca žycharstva ŭ miascovaści Zdoniaŭ kala Teplic-na-Metui, što niepadalok ad polskaj miažy. Ale ad taho času pra jaho miescaznachodžańnie ničoha nieviadoma.
«Tak jak isnuje abhruntavanaja zaniepakojenaść jaho zdaroŭjem abo žyćciom, my prosim nasielnictva ab dapamozie», — paviedamlaje palicyja, nie ŭdakładniajučy, što majecca na ŭvazie.
U Alaksieja Paleščuka, jak i ŭ jahonaha brata Andreja, dva pašparty — Biełarusi i Čechii. Andrej Palaščuk raniej vypraviŭsia ź misijaj va Ukrainu.
Jon viadzie ŭ tvitary papularny češskamoŭny kanał, pryśviečany złačynstvam rasijskaj armii va Ukrainie i situacyi ŭ Biełarusi. Na jaho padpisana amal 100 tysiač čałaviek. Aprača taho, Andrej Palaščuk vystupaje jak kamientatar u češskaj presie.