«My kožny hod adznačajem taki epidemijałahičny ŭzdym. Sioleta heta adbyłosia trochi raniej, u suviazi z nadvorjem. Ale my da jaje hatovyja. Nijakich katastrof niama. Situacyja całkam kantralujecca»,- zajaviła načalnik adździeła pieršasnaj miedycynskaj dapamohi Ministerstva achovy zdaroŭja Ludmiła Žylevič, kamientujučy 3 listapada na pres-kanfierencyi ŭ Minsku situacyju z zachvorvańniami na hryp i VRVI ŭ Biełarusi.
«Situacyja pa śmiarotnaści ad infiekcyjnych zachvorvańniaŭ nie pieravyšaje paroh minułaha hoda. Na siońnia my adznačajem, što pamianšajecca i ciažar zachvorvańniaŭ, i kolkaść chvorych, jakim patrebna bolš intensiŭnaja terapija.
Tak, jość vysoki ŭzrovień zachvorvańnia. Heta prablema, jakaja jość va ŭsim śviecie, i my biezumoŭna byli da jaje hatovyja. Ministerstva achovy zdaroŭja sa svajho boku zrabiła ŭsio mahčymaje, kab miedycynskaja dapamoha, jakaja nasielnictvu budzie akazvacca, pravodziłasia ŭ poŭnym abjomie.
Nakont prablemy niedachopu masak u aptekach Ludmiła Žylevič skazała:
«Moža ja takaja nie raśpieščanaja, kab kuplać masku ŭ aptecy. Kali ŭ vas jość takaja mahčymaść, kuplajcie, ale jaje absalutna svabodna možna zrabić samomu z marli. Masak patrebna šmat, bo praz kožnyja 4 hadziny jaje treba pamianiać, paścirać i vysušyć.
Ja siońnia pračytała presu, i ŭbačyła, jak šmat uvahi my nadali maskam. Heta nie toj pradmiet, jaki my pavinny abmiarkoŭvać. Heta asabistaje pytańnie kožnaha. Vy možacie prosta chustačkaj abviazacca. Kožny čałaviek vybiraje sam: chtości zachvareły apranaje masku, tym samym kłapocicca pra ludziej navokał. Chtości zdarovy apranaje masku, kab nie mieć kantaktu z pavietrana kapiežnaj infiekcyjaj. Heta sprava hramadzianina i praviła dobraha tonu».
Na inšyja pytańni pra hryp, u tym liku śviny, Ludmiła Žylevič admoviłasia adkazvać, bo heta nie było temaj pres‑kanfierencyi.
Usie materyjały pa temie epidemii hrypu
