Duda paviedamiŭ, što čatyry źniščalniki byli pieradadzieny ŭkrainskim Uzbrojenym siłam u apošnija miesiacy i jašče čatyry zaraz pieradajucca, heta značyć, usiaho vosiem.
«My hatovyja, ja havaryŭ pra heta z prezidentam, pieradać jašče šeść, jakija ciapier rychtujucca dla hetaha. My miarkujem, što jany mohuć być pieradadzieny davoli chutka», — skazaŭ Duda.
Polski prezident taksama dadaŭ, što ŭ Polščy jašče zastajucca MiHi, jakija prajšli madernizacyju i ciapier adaptavanyja da standartaŭ NATA, u pieršuju čarhu z punktu hledžańnia suviazi, pytańniaŭ, źviazanych z mahčymaściu vykonvać, naprykład, misiju pavietranaj palicyi ŭ ramkach NATA.
«Hetyja MiHi nam jašče spatrebiacca, ale jany buduć znachodzicca na ŭzbrajeńni razam z novymi samalotami, jakija pastupiać u naša rasparadžeńnie… Ja liču, što ŭ budučyni my zmožam pieradać uvieś naš park samalotaŭ MiH-29, jaki zastaŭsia, kali heta budzie nieabchodna. Z punktu hledžańnia ich pieradačy, spatrebicca zhoda sajuźnikaŭ, u pieršuju čarhu ZŠA», — dadaŭ Andžej Duda.
Čytajcie taksama:
Prezident Ukrainy Uładzimir Zialenski prybyŭ z aficyjnym vizitam u Polšču
