Vokładka kanała Anonymous Russia
Siońnia na kanałach, źviazanych ź sietkaj prarasijskich chakieraŭ Killnet, źjaviłasia paviedamleńnie pra zatrymańnie łukašenkaŭskimi śpiecsłužbami administratara kanała Anonymous Russia pa mianušcy Mr. Raty.
Kanał — całkam prarasijski i prapucinski. U im šmat repostaŭ pramoŭ prezidenta Rasii i dopisaŭ prarasijskaj sietki Killnet, jakaja atakavała šmatlikija celi ŭ Jeŭropie i ZŠA. Asoba samoha Raty nieviadomaja.
Paśla zatrymańnia Raty sietka prarasijskich chakieraŭ pačała pahražać łukašenkaŭskim śpiecsłužbam. «Respublika Biełaruś — u čornym śpisie», — napisaŭ u svaim telehram-kanale Killmilk, zasnavalnik hrupy Killnet.
Paviedamleńni Killmilk'a ŭ roznych telehram-kanałach
Adviedzieny chakierami čas zakančvajecca kala siomaj ranicy pa Minsku. Kali paśla hetaha Raty nie vypuściać, to jany abiacajuć atakavać infrastrukturu biełaruskich uładaŭ.
Abnoŭlena. Paźniej rasijskija chakiery vydalili pahrozy ŭ adras biełaruskich uład, jaki raźmiaścili, daviedaŭšysia pra zatrymańnie paplečnika.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Biełaruskija kibierpartyzany zajavili pra ŭzłom rasijskaha Raskamnahlada
Jak vydalić akaŭnt u Telegram i stvaryć jaho nanova na virtualny numar — pakrokavy hajd
