Pryjom novych zapytaŭ na italjanskija vizy ŭ Breście prypynili z-za nadta vialikaha popytu, a adpaviedna, doŭhich čerhaŭ, havorycca ŭ paviedamleńni na sajcie vizavaha centra.
«Praź vialikuju čarhu pryjom novych zapytaŭ u Breście prypynieny. U biełarusaŭ, jakija majuć zaprašeńnie ad blizkich svajakoŭ abo ad dziełavych partnioraŭ u Italii, prosim źviartacca ŭ adpaviednyja raździeły formy zvarotnaj suviazi», — havorycca ŭ paviedamleńni.
Tam adznačana, što apracoŭka zapytaŭ na padaču ŭ Breście budzie pravodzicca ŭ chranałahičnym paradku. Pa miery źjaŭleńnia miescaŭ nastupny pa čarzie zajaŭnik atrymaje elektronny list, a pry adsutnaści adkazu miesca budzie prapanavanaje nastupnamu pa čarzie.
Italija razam z Francyjaj i Vienhryjaj znachodzicca ŭ liku tych krain Jeŭrasajuza, u konsulstvach jakich biełarusam dastatkova realistyčna atrymać turystyčnyja doŭhaterminovyja vizy.
Čytajcie taksama:
Dzie praściej atrymać vizu ŭ Jeŭropu?
Na polskuju vizu niekatorym biełarusam treba budzie zapisvacca pa-novamu
