Hazieta adznačaje, što raniej stratehija NATA zaklučałasia ŭ tym, kab strymlivać patencyjnaha praciŭnika, pahražajučy adpłataj: aljans dapuskaŭ, što terytoryi dziaržaŭ-členaŭ mohuć być akupavanyja datul, pakul sajuznyja vojski nie pryjduć na dapamohu. Ciapier ža NATA pierachodzić da stratehii «strymlivańnia zabaronaj».
Na praktycy heta budzie aznačać, siarod inšaha, pavieličeńnie kolkaści vojskaŭ na ŭschodniaj miažy aljansu. Jak śćviardžaje hazieta, aljans taksama maje namier zrabić svaju vajskovuju prysutnaść bolš demanstratyŭnaj. Sa słoŭ byłoha pamočnika hienieralnaha sakratara NATA Kamila Hranda, u aljansie bolš nie abmiarkoŭvajuć toje, jak nie ŭstryvožyć Maskvu praźmiernaj kancentracyjaj vojskaŭ na rasijskaj miažy — ciapier abmiarkoŭvajuć, kolki vojskaŭ tam nieabchodna raźmiaścić, kab adbić mahčymaje napadzieńnie.
Pavodle źviestak NYT, u ramkach novaj stratehii bolš sił NATA piarojdzie pad pramy kantrol amierykanskaha hienierała Krystafiera Kavoli, jaki kamanduje vojskami ZŠA ŭ Jeŭropie. Pradstaŭnik aljansu na ŭmovach ananimnaści paviedamiŭ, što mienavita Kavoli była daručanaja zadača pa abjadnańni vajennych płanaŭ ZŠA i sajuźnikaŭ.
Sa słoŭ krynicy, ciapier krainy-ŭdzielnicy aljansu, upieršyniu paśla Chałodnaj vajny, buduć dakładna viedać, što mienavita budzie rabić NATA ŭ vypadku vajny, a što jany pavinny zrabić sami.
Pieršymi z patrabavańniem pierahledzieć kancepcyju abarony NATA vystupili krainy Bałtyi, pakolki raniejšaja kancepcyja dapuskała akupacyju terytoryj mienavita hetych krain z nastupnym vyzvaleńniem praz 180 dzion. Naturalna, takaja pierśpiektyva nikoha nie raduje.
Čytajcie taksama:
Finlandyja pačała padrychtoŭku da budaŭnictva płota na miažy z Rasijaj
NATA, što z tvaram? Bajcy biełaruskaj terytaryjalnaj abarony viartajucca dachaty VIDEA
Jašče adna kraina zadumałasia pra admovu ad niejtralitetu z-za vajny va Ukrainie
