Pomnik Vasilu Ihnacienku ŭ Brahinie. Fota ź Vikipiedyi
Z-za hetaha vyrašana pierakryć ruch transpartu pa vulicy Ihnacienki ad vulicy Cimirazieva da vulicy Tarchanava, heta značyć pobač z Sabornaj miačećciu Minska. Zabarona budzie dziejničać 26 krasavika z 8:00 da 12:00.
«…U suviazi z praviadzieńniem masavaha mierapryjemstva», — skazana ŭ rašeńni Minharvykankama.
U dakumiencie nie ŭdakładniajecca, što mienavita za mierapryjemstva projdzie ŭ hetym miescy. U musulmanskim kalendary ŭ hety dzień niama vialikich śviataŭ. 26 krasavika — Mižnarodny dzień pamiaci ab čarnobylskaj katastrofie. A vulica, dzie pierakryjuć ruch, nazvanaja ŭ honar Vasila Ihnacienki, uradženca Homielskaj vobłaści, vykazvaje zdahadku «Sputnik».
Ihnacienka pracavaŭ pažarnym na Čarnobylskaj AES i byŭ adnym z tych, chto tušyŭ pažar na stancyi ŭ noč z 25 na 26 krasavika 1986 hoda. Atrymaŭšy vialikuju dozu apramieńvańnia, pamior 13 maja taho ž hoda. Pachavany ŭ Maskvie. U 2006 hodzie jamu paśmiarotna prysvoili zvańnie Hieroja Ukrainy.
Dla zachavańnia radyjeaktyŭnych adkidaŭ razhladajucca try varyjanty
