Fota: BiełTA
U Biełarusi ŭ navučalnym hodzie 2023-2024 usich inšaharodnich studentaŭ zabiaśpiečać miescami ŭ internatach.
U pryvatnaści, pieršy namieśnik ministra adukacyi Alaksandr Bachanovič siońnia rastłumačyŭ, što ŭ Minsku z uvodam u ekspłuatacyju novych internataŭ — maładziožnaha kompleksu internataŭ u minskaj Studenckaj vioscy na praśpiekcie Dziaržynskaha — płanujuć całkam vyrašyć prablemu zabieśpiačeńnia miescami ŭ internatach.
— Da leta budoŭla pavinna być skončanaja, ź pieršaha vieraśnia tudy zasielacca studenty BDUIR i BDMU, — rastłumačyŭ Bachanovič padčas respublikanskaha subotnika.
Jon raskazaŭ, što ŭ Biełarusi ŭ rehijonach zabiaśpiečanaść studentaŭ miescami ŭ internatach składaje 100%. U Minsku hetaja ličba nižejšaja — kala 90%.
— Z uvodam hetych internataŭ u ekspłuatacyju my prablemu vyrašym całkam. Usie inšaharodnija studenty, jakija navučajucca ŭ Minsku, buduć zabiaśpiečany miescam u internacie, — padkreśliŭ jon.
I ŭdakładniŭ, što ŭ novych internatach stvorany najbolš kamfartabielnyja ŭmovy dla žyćcia: asobnyja błoki z dušavymi kabinami, pakoi, dzie možna pryhatavać ježu, miescy ahulnaha karystańnia, dzie možna rychtavacca da vučoby, a taksama šerah inšych dapamožnych pamiaškańniaŭ dla volnaha času, mierapryjemstvaŭ i navučańnia.
«Na jaho i dziaŭčaty buduć pa-inšamu hladzieć». Valfovič choča pačać pryzyvać i studentaŭ
Kudy pajechać pavučycca? Jeŭrapiejskija stypiendyi dla biełarusaŭ
