Pavodle słoŭ polskaha premjer-ministra, mała chto vieryŭ, što hetaja inviestycyja naohuł budzie realizavanaja, ale heta taki adbyłosia. Maraviecki ličyć, što aeraport u Radamie maje vialiki sens.
«Siońnia aeraport «Varšava — Akencie» absalutna pierahružany, tamu stvareńnie hetaha aeraporta maje vialikaje značeńnie dla taho, kab razhruzić port «Varšava — Akencie», a ŭ budučyni i Centralny kamunikacyjny port. Tamu jon maje vialiki sens z punktu hledžańnia infrastruktury, łahistyki», — padkreśliŭ premjer-ministr.
Rejsy z Radama budzie vykonvać avijakampanija Lot — polski nacyjanalny pieravozčyk. Užo 28 krasavika pasažyry zmohuć adpravicca adtul u try jeŭrapiejskija harady: Paryž, Rym i Kapienhahien.
Košt inviestycyj u hety aeraport składaje kala 800 miljonaŭ złotych. Terminał zmoža prymać kala miljona pasažyraŭ na hod na pačatkovym etapie, a zatym — bolš za try miljony čałaviek na hod.
Aeraport u Radamie stanie dla Varšavy trecim. Akramia zhadanaha aeraporta «Varšava—Akiencie», častku pasažyrskich pieravozak dahetul braŭ na siabie aeraport u Modlinie.
Čytajcie taksama:
