Jaŭhien Pryhožyn. Skrynšot videa
«Kali Minabarony źbirajecca pasprabavać supraćstajać publičnym zajavam Pryhožyna, razvažali va ŭstanovie, to jany pavinny znajści sajuźnikaŭ z roŭnym statusam dla baraćby ź im, a nie rabić hetaha sami, — havorycca ŭ adnym dakumiencie, paznačanym hryfam «całkam sakretna». — Ale da kanca nie było ŭpeŭnienaści, jak Minabarony zmoža paśpiachova vieści infarmacyjnuju vajnu z Pryhožynym, kali rasijski ŭrad nie zabaronić jamu rabić publičnyja zajavy».
U dakumiencie adznačałasia, što infarmacyja atrymana šlacham pierachopu abo prasłuchoŭvańnia paviedamleńniaŭ.
Sa studzienia Pryhožyn śćviardžaŭ, što padkantrolnym dziaržavie rasijskim ŚMI skazali paźbiahać cytavańnia abo zhadki PVK «Vahnier». Ale Pryhožyn vałodaje miedyjaimpieryjaj z veb-sajtaŭ i telehram-kanałaŭ, što dazvalaje jamu hučna zajaŭlać pra siabie.
Niekatory čas Pryhožynu dazvalali łajać čynoŭnikaŭ, heta adpaviadała pucinskaj stratehii padziełu palityčnaj terytoryi i pola bitvy va Ukrainie na asobnyja hrupy, kab nivodnaja ź ich nie stała zanadta mahutnaj, robić vysnovy Washington Post.
«PVK «Vahnier» i Pryhožyn zaŭsiody ŭjaŭlali saboj prablemu adzinanačalla ŭ hetaj vajnie, — cytuje Washington Post Roba Li, staršaha navukovaha supracoŭnika Instytuta daśledavańniaŭ zamiežnaj palityki ŭ Fiładelfii. — Pucinu padabajecca vykarystoŭvać hrupoŭki, jakija kankuryrujuć miž saboj, jak sposab zachavańnia ŭłady, ale heta vielmi škodna ŭ vajennaj apieracyi».
U sakretnych dakumientach niama adkazu na pytańnie, atrymlivała PVK «Vahnier» bojeprypasy ci nie, pra što apošnija miesiacy zajaŭlaŭ Pryhožyn. Pravieryć heta składana praz toje, što bojeprypasy raźmiarkoŭvalisia praz apieratyŭnuju hrupu ŭ Bachmucie.
Amierykanskaja raźviedka nie vyklučaje, što zajavy Pryhožyna mohuć być abhruntavanymi, bo kiraŭnik Hienštaba Valeryj Hierasimaŭ, «pa paviedamleńniach, zahadaŭ spynić pastaŭki bojeprypasaŭ … a taksama płanavaŭ vajskova-transpartnyja rejsy, pryznačanyja dla pieravozki bojeprypasaŭ» u štab PVK u Rastovie-na-Donie, adznačajecca ŭ adnym z dakumientaŭ.
Akramia taho, z uciečki vynikaje, što Pryhožyn maliŭ Pucina praciahnuć nabirać najmitaŭ u turmach, pačać navučać niadaŭna mabilizavanych i prasiŭ «sadziejničać viarboŭcy zamiežnych bajevikoŭ, a mienavita afhancaŭ» va Ukrainu.
U dakumiencie sa spasyłkaj na pierachopy FSB havorycca, što Pucin zahadaŭ Pryhožynu vyrašyć hetyja pytańni ź Minabarony.
Kamandziry PVK «Vahnier» adpraŭlali drenna navučanych źniavolenych, jakim časta pahražaje pakarańnie ŭ vypadku adstupleńnia ź pieradavoj, dla napadu na ŭkrainskija pazicyi ŭ Bachmucie. Hetaja stratehija pryviała da niaznačnych terytaryjalnych pieramoh, ale prykmietna vialikich strat: pavodle acenak ZŠA, sa śniežnia zahinuła kala pałovy rasijskich vajskoŭcaŭ.
Čytajcie taksama:
Jaŭhien Pryhožyn źviazaŭsia z pradstaŭnikami Kadyrava dla pieradačy pazicyj u Bachmucie
Isteryki Pryhožyna pakazvajuć, što Rasija moža być bližejšaj da 1917 hoda, čym my dumajem
Pryhožyn zajaviŭ, što vyviedzie «Vahnier» z Bachmuta 10 maja
Pryhožyn zajaviŭ, što vyviedzie vahnieraŭcaŭ z Bachmuta. Što dumajuć na hety kont USU
