Biełaruskaja stalica pa kolkaści tumannych dzion sioleta pierahnała Łondan. U siarednim štohod u Minsku rehistrujucca kala 60 tumannych dzion, tady jak u brytanskaj stalicy — kala 45,
raspaviała hałoŭny sinoptyk Respublikanskaha hidramieteacentra Volha Fiadotava.
60‑80 pracentaŭ takich dzion u našym horadzie prypadaje na asieńnie‑zimovy pieryjad. Typova tumannaje nadvorje i dla listapada.
U siarednim u Minsku ŭ treci miesiac vosieni byvaje da 10 takich dzion, a ŭ 1986 hodzie było zafiksavana i zusim 22!
Reč u tym, što biełaruski miehapolis raźmieščany na 210‑220 mietraŭ vyšej za ŭzrovień mora, tamu tumany tut ŭźnikajuć čaściej, patłumačyła Volha Fiadotava.
U druhuju listapadaŭski tydzień u Biełaruś skiravalisia vilhotnyja pavietranyja masy marskoha pachodžańnia. Siaredniesutačnaja tempieratura pieravyšała klimatyčnuju normu na 2‑4 hradusy. Ciopłaje pavietra pastupała na dastatkova astyłuju ziamlu,
voś stalicu i achutała tumanami.
U bližejšyja vychodnyja prytok ciapła z poŭdnia niekalki asłabieje. Načnaja tempieratura pavietra nablizicca da nula, dniom usiaho 1 … 4. Takoje ž nadvorje zachavajecca i ŭ paniadziełak. Vierahodny mokry śnieh. A da siaredziny nastupnaha tydnia na 2‑3 hradusy paciapleje, i tumany da nas viernucca.
