Robiačy pryznačeńnie novaha kiraŭnika, Łukašenka zajaviŭ, što treba ŭdaskanalvać sistemu. «Treba źviarnuć asablivuju ŭvahu na manieŭranyja hrupy. Jany pavinny być u kožnym atradzie. Tam, dzie vy vyznačycie, pavinien być mahutny kułak», — skazaŭ jon.
Biełaruski «mahutny kułak» dniami naśmiašyŭ ukrainskich pamiežnikaŭ. Učora DPSU apublikavali, jak jany heta nazvali, «pieramiaščeńnie techniki na miažy z Ukrainaj». Na kadrach ža biełaruskija pahraničniki pchali złamany «bobik».
A siońnia Anatola Łapo źniali z pasady. U Dziaržaŭnaj pahraničnaj słužbie Ukrainy pažartavali, što kiraŭnika DPK Biełarusi Łapo źniali praź ich rolik.
«Abiacajem, što i dalej budziem dobrasumlenna fiksavać «dasiahnieńni» vašych padapiečnych», — žartuje DPSU.
Čytajcie taksama:
Ukrainskija pamiežniki pavinšavali biełaruskich z Dniom Pieramohi
