U sieradu vyznačyŭsia siomy čverćfinalist Kubka Biełarusi pa futbole. Im staŭ minski MTZ-RIPA, što pa sumie dvuch matčaŭ prajšoŭ kłub pieršaj lihi «Połack».
Siońnia pałačanie ŭ siabie doma pieramahli minčukoŭ 1:0, ale tak i nie zdoleli likvidavać roźnicu ŭ try miačy. U niadzielu jany byli bityja ŭ stalicy – 2:5.
Šeść čverćfinalistaŭ vyznačylisia raniej, imi stali: minskaje «Dynama», navapołacki «Naftan», hrodzienski «Nioman», salihorski «Šachcior», «Tarpieda» Žodzina i homielski DSK (kłub pieršaj lihi), što vybiŭ z turniru «Homiel», jaki dniami raźvitaŭsia z vyšejšaj lihi.
U 1/8 finału nie ŭstupiła ŭ baraćbu adna para: BATE – FK «Minsk».
Hetyja hulni pieranieśli, kab dać BATE mahčymaść praktyki pierad matčam Lihi Jeŭropy z «Bienfikaj», što projdzie ŭ Minsku 2 śniežnia.
Pieršy ž kubkavy matč BATE – FK «Minsk» adbudziecca
22 listapada ŭ Barysavie. Matč u adkaz – 29 listapada.
Matčy 1/4 finału Kubka Biełarusi projduć nastupnaj viasnoj, zvyčajna imi adkryvajecca futbolny siezon u našaj krainie.
0
0
0
0
0
0