Nikoła Stierdžien

Nikoła Sterdžen. Fota: AP Photo / Markus Schreiber

Palicyjanty aficyjna paćvierdzili, što 52-hadovaja žančyna była ŭ niadzielu ŭziataja pad aryšt i adkazvaje na pytańni śledčych. Brytanskija pravaachoŭnyja orhany zvyčajna nie nazyvajuć imionaŭ padazravanych, adnak havorka idzie akurat pra byłuju lidarku ŭrada Šatłandyi.

Paźniej stała viadoma, što Sterdžen adpuścili paśla dopytu biez pradjaŭleńnia abvinavačvańniaŭ.

Raniej u ramkach rasśledavańnia byŭ zatrymany i adpuščany biez vystaŭleńnia abvinavačvańniaŭ muž Sterdžen Piter Miureł, jaki zajmaŭ pasadu vykanaŭčaha dyrektara SNP z 1999 hoda.

U sakaviku jon padaŭ u adstaŭku — hetak ža, jak i jaho žonka.

Nikoła Sterdžen zajmała centralnaje stanovišča ŭ palitycy Šatłandyi i Vialikabrytanii na praciahu dziesiaci hadoŭ. Jana daŭžej za ŭsich zastavałasia na pasadzie pieršaha ministra Šatłandyi i stała sinonimam ruchu za niezaležnaść paśla prychodu da ŭłady ŭ 2014 hodzie.

Aficyjnaje rasśledavańnie finansavańnia SNP pačali jašče ŭ lipieni 2021 hoda, kali ŭ palicyju pastupili skarhi na niezakonnaje vykarystańnie ŭnioskaŭ u kaznu partyi.

U pieršuju čarhu pad pytańnie staviłasia vydatkavańnie partyjnych fondaŭ na novuju kampaniju pa praviadzieńni refierendumu ab niezaležnaści Šatłandyi.

Ahułam padali siem skarhaŭ, na padstavie jakich prakuratura i pryniała rašeńnie ab rasśledavańni.

Prakuroraŭ, jakija voś užo paŭtara hoda viaduć rasśledavańnie, bolš za ŭsio cikavić pytańnie ab tym, na što vydatkavali zvyš 600 tysiač funtaŭ sterlinhaŭ (bolš za 680 tysiač jeŭra), sabranych na praviadzieńnie novaha refierendumu ab niezaležnaści, jaki ŭ vyniku tak i nie adbyŭsia.

U finansavych spravazdačach partyi było paznačana, što ŭ pieryjad z 2017 pa 2020 hod sabrali hetyja samyja 600 ź lišnim tysiač, jakija partyja abiacała vydatkavać na kampaniju pa zdabyćci niezaležnaści.

Adnak da kanca 2019 hoda partyjnaja kasa zraschodavałasia, i ŭ joj zastavałasia tolki krychu bolš za 270 tysiač funtaŭ, tak što Miureł vymušany byŭ pazyčyć partyi 100 tysiač funtaŭ, kab dapamahčy joj z rucham hrašovych srodkaŭ.

A ŭ 2021 hodzie jon zrabiŭ jašče adno ŭlivańnie prykładna na takuju ž sumu, pryčym u tym ža hodzie prykładna pałovu z hetych hrošaj partyja jamu viarnuła.

Tady pres-sakratar SNP tłumačyŭ, što hetaja pazyka była «asabistym układam vykanaŭčaha dyrektara z metaj dapamahčy z rucham hrašovych srodkaŭ paśla vybaraŭ» i što ŭsio heta zanieśli ŭ buchhałtarskija spravazdačy za 2021 hod.

Adnak kaznačej partyi Duhłas Čapman zajaviŭ, što nie atrymlivaŭ nijakich instrukcyj z nahody hetych tranzakcyj i padaŭ u adstaŭku.

Nikoła Sterdžen, tady jašče pieršaja ministarka, pierakonvała, što finansavyja pytańni jaje «nie chvalujuć» i što kožny piens, sabrany padčas kraŭdfandynhu praź internet, budzie vydatkavany na zdabyćcio niezaležnaści.

Paźniej, pakidajučy svaju pasadu, jana nazvała proćmu pryčyn, pa jakich pryniała rašeńnie ab adstaŭcy, adnak rasśledavańnie partyjnych finansaŭ u śpisie hetych pryčyn nie fihuravała.

Nie vyklučana, što jana praličyła svaju adstaŭku, kab potym nie patrapić u zusim užo niajomkuju situacyju, kali muža pieršaha ministra i kiraŭnika partyi sadziać pad aryšt pa padazreńni ŭ finansavych machinacyjach.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?