Polskija darožnyja palicejskija padčas słužby fota: lubuska.policja.gov.pl
Polskaja darožnaja palicyja spyniła 23-hadovaha kiroŭcu za pieravyšeńnie chutkaści na trasie chutkaha ruchu ŭ Mazavieckim vajavodstvie (centralnaja častka Polščy). Maładzion pieravysiŭ dazvolenuju chutkaść na 55 km/h. Paśla źvierki źviestak u palicejskaj bazie vyjaviłasia, što jon raniej nieadnarazova parušaŭ PDD, pieravyšajučy chutkaść. U vyniku palicejskija za padobnaje čarhovaje parušeńnie vypisali chłopcu štraf u pamiery 3 tysiačy złotych (bolš za 1850 rubloŭ).
Pačuŭšy sumu štrafu, małady mužčyna praz emocyi asunuŭsia na ziamlu. Pravaachoŭniki pryviali jaho ŭ prytomnaść i zaprapanavali vyklikać chutkuju, adnak chłopiec admoviŭsia. Bolš za toje, palicejskija vypisali kiroŭcu 13 štrafnych bałaŭ, jak paviedamlaje «Polskaje radyjo».
U Polščy za pieravyšeńnie chutkaści na bolš čym 50 km/h praduhledžanyja surjoznyja finansavyja i administracyjnyja sankcyi. U vypadku, kali kiroŭca ciaham hoda nabiare 24 štrafnyja bały, to ŭ jaho anulujucca pravy na kiravańnie transpartnym srodkam, a samoha jaho skirujuć na pierazdaču.