«Stali viadomyja vyniki centralizavanaha teściravańnia pa fizicy. Na 100 bałaŭ pradmiet napisali 68 abituryjentaŭ», — skazaŭ Juryj Miksiuk.
Vyniki CT možna daviedacca na sajcie Respublikanskaha instytuta kantrolu viedaŭ. Siertyfikat udzielnik atrymaje ŭ punkcie, u jakim jon prachodziŭ CT, pry pradjaŭleńni dakumienta, jaki śviedčyć asobu, ź jakim abituryjent prachodziŭ teściravańnie, a taksama dakumienta ab adukacyi i propusku z adznakaj «Testavańnie prajšoŭ». Propusk pry hetym budzie kanfiskavany.
Taksama skončyłasia rehistracyja dla prachodžańnia centralizavanaha teściravańnia ŭ reziervovyja dni, takoj mahčymaściu skarystalisia 569 abituryjentaŭ. Reziervovymi dniami CT vyznačanyja 11 i 13 lipienia — pa biełaruskaj i ruskaj movach, a taksama 11 i 15 lipienia — pa astatnich pradmietach. Čas pačatku ispytaŭ u reziervovyja dni — 11:00.
Projdzie teściravańnie ŭ reziervovyja dni ŭ šaści VNU krainy: Biełaruskim dziaržaŭnym univiersitecie, Biełaruska-rasijskim univiersitecie, Bresckim dziaržaŭnym techničnym univiersitecie, Viciebskim dziaržaŭnym technałahičnym univiersitecie, Homielskim dziaržaŭnym techničnym univiersitecie imia Paŭła Suchoha i Hrodzienskim dziaržaŭnym univiersitecie imia Janki Kupały.
Čytajcie taksama:
Pakul adziny chłopiec, jaki nabraŭ 400 bałaŭ na sioletnim CT, žyvie ŭ Navapołacku
