Jaŭhien Pryhožyn. Fota: Getty Images
Vydańnie The New York Times 6 lipienia paviedamiła, što paśla miaciažu vahnieraŭcaŭ Pryhožyn nie naviedvaŭ Biełaruś, a skarystaŭsia dla hetaha svaim dvajnikom.
Pra heta vydańniu ananimna raspavioŭ adzin z aficyjnych pradstaŭnikoŭ Pientahona.
Pa słovach čynoŭnika, usia historyja ź pierajezdam Pryhožyna i jaho najmitaŭ u Biełaruś «achutanaja mistykaj», a bolšaść vahnieraŭcaŭ usio jašče znachodziacca va Ukrainie.
«U nas niama paćviardžeńnia, što Pryhožyn sapraŭdy paśla miaciažu byŭ choć raz u Biełarusi. Toje samaje tyčycca i jaho najmitaŭ, jakija ŭ bolšaści svajoj usio jašče znachodziacca na ŭschodzie Ukrainy.
Pryhožyn dla maskiroŭki svaich płanaŭ i pieramiaščeńniaŭ moh skarystacca dvajnikom dla imitacyi vizitu ŭ Biełaruś», — padzialiŭsia infarmacyjaj aficyjny pradstaŭnik Pientahona.
Nahadajem, što siońnia źjaviłasia infarmacyja, što telefonnyja pieramovy Łukašenki z Pryhožynym padčas miaciažu prasłuchoŭvała niamieckaja raźviedka.
Sam Łukašenka pry hetym niadaŭna paviedamiŭ, što Pryhožyna ciapier u Biełarusi niama.
Čytajcie taksama:
Minabarony raskazała, dla kaho stvarajecca łahier pad Asipovičami
Prezidenty Polščy, Litvy i Łatvii papiaredzili NATO pra pahrozu z boku Biełarusi
