Kampot z čyrvonych parečak — spatolić smahu i dadaść vitaminaŭ 1

Fota: Pixabay

Kampot z čyrvonych parečak — heta jašče i krynica vitaminu S, klatčatki i antyaksidantaŭ. Pryhatavany doma, jon źmiaščaje značna mienš cukru, čym bolšaść papularnych kramnych napojaŭ.

Spatrebicca prykładna:

• 1 kh čyrvonych parečak
• 3 ł vady
• 100 h cukru

Što rabić:

1. Pakładzicie parečki ŭ misku, zalicie chałodnaj vadoj i staranna vymyjcie. Potym adkińcie ich na sita i adździalicie jahady ad halinak.
2. Pakładzicie jahady ŭ vialikuju kastrulu i zalicie vadoj. Dadajcie cukar i varycie 10 chvilin z momantu zakipańnia.
3. Dajcie kampotu z čyrvonych parečak astyć, a zatym pieralicie jaho ŭ zban, hrafin abo prosta ŭ šklanki.

Vy taksama možacie paekśpierymientavać i zrabić hety napoj z notkami miaty (dla hetaha varycie z pramytymi liścikami miaty, abarvanymi z prykładna piaci halinak) abo vanili i karycy (dadajcie pa drobcy hetych prypraŭ padčas hatavańnia). 

Bolš letnich straŭ i napojaŭ:

Bambł-kava — sapraŭdny letni chit. Aściarožna, hety napoj moža stać vašym ulubionym

Johurtnaje marožanaje z čarnicami — dla tych, chto nie lubić zanadta sałodkija desierty

Lanivyja vareniki ź jahadami — najlepšy śniadanak letam. Možna zamarozić na zapas

7

2

1

3

1

3

Nashaniva.com