Śviatłana Cichanoŭskaja pryjechała na ŭračystaje adkryćcio skviera Volnaj Biełarusi z partretam źniavolenaha muža Siarhieja Cichanoŭskaha.
Śviatłanu Cichanoŭskuju na ŭračystaści nazvali prezidentkaj volnaj Biełarusi. Na fota jana z prezidentam Biełastoka Tadevušam Truskalaskim. Razam ź Cichanoŭskaj pryjechali na ŭračystaść i členy Abjadnanaha pierachodnaha kabinieta. Siarod ich byŭ i Pavieł Łatuška, jaki ŭ pačatku svajoj dypłamatyčnaj karjery byŭ, darečy, kiraŭnikom biełaruskaj dypłamatyčnaj misii ŭ Biełastoku.
Vystupaje Śviatłana Cichanoŭskaja
U svajoj pramovie Śviatłana Cichanoŭskaja padziakavała ŭładam Biełastoka za toje, što jany ŭchvalili rašeńnie ab źjaŭleńni ŭ Biełastoku skviera Volnaj Biełarusi. Heta prajava salidarnaści ź Biełaruśsiu, skazała Cichanoŭskaja. Demakratyčnaja lidarka adznačyła, što nadydzie čas, kali biełarusy Padlašša buduć žyć razam, kali Biełaruś stanie častkaj Jeŭrapiejskaha sajuza.
Simvaličnaje adkryćcio skviera
Śviatłana Cichanoŭskaja z Tadevušam Truskalaskim
Prezident Biełastoka kazaŭ na ŭračystaści, što zaraz biełaruskaje konsulstva musić paznačać na svajoj karespandencyi adras, u naźvie jakoha jość Volnaja Biełaruś. U skviery tolki adzin budynak, i heta biełaruskaje konsulstva. Zjaŭleńnie skviera Volnaj Biełarusi — simvał taho, što palaki nie zabylisia pra paniavolenych biełarusaŭ, jak padkreśliŭ Truskalaski.
Šylda biełaruskaha konsulstva
Na adkryćcio skviera sabralisia miascovyja biełarusy
Čytajcie taksama:
Cichanoŭskaja sustrełasia z kiraŭnictvam Biełastoččyny i adkryła skvier
Na Padlaššy ŭ piatnicu pačynajecca treci Fiestyval abudžanych Tutaka
U skviery Volnaj Biełarusi ŭ Biełastoku źjaviłasia šylda FOTA
