Da šopinhu padčas rasprodažu treba stavicca jak da zachaplalnaj hulni, dzie ŭ kožnaj kamandy jość svaje intaresy. Pakupniki hulajuć za tych, čyja asnoŭnaja meta — aščadzić. Pradaŭcy — za tych, chto sprabuje pradać i zarabić bolš. Kab zastacca ŭ vyjhryšy, kožny bok vykarystoŭvaje svaje «kručki» i chitryja pryjomy. Zvyčajna pieramahaje toj, chto bolš viedaje pra stratehiju svajho supiernika. My sabrali parady, jakija dapamohuć vam u hetaj hulni.
Jak nas prymušajuć kuplać bolš
Dafaminavy kručok
Bujnyja brendy viedajuć svajho spažyŭca «ŭ tvar». Jany dobra razumiejuć nie tolki toje, kolki vam hadoŭ i jakoje vaša materyjalnaje stanovišča, ale i bolš tonkija detali, naprykład, što za šopinham staić kudy bolš, čym zvyčajnaje abnaŭleńnie harderobu: kali my nakiroŭvajemsia ŭ pachod pa kramach, my pierš-napierš šukajem stanoŭčyja emocyi i tolki potym — rečy.
Kali my kuplajem tavar ź vialikaj źnižkaj, mozhu zdajecca, što heta vielmi važnaja i karysnaja sprava. Kab prastymulavać čałavieka praciahnuć hety praces, jon pačynaje vypracoŭvać harmony dafamin i endarfin, jakija dorać pačućcio ščaścia i ejfaryi, tamu my vychodzim z handlovaha centra akrylenymi, ale časta z pustymi kišeniami.
Fota: unsplash.com
Kab nie papaścisia na dafaminavy kručok, treba zhulać z mozham na apiaredžańnie: dać sabie padstavu dla radaści za niekalki hadzin da pachodu ŭ mahazin. Možna paśniedać doma z pryhožaj sierviroŭkaj ci vypić kubačak smačnaj kavy ŭ lubimaj kaviarni. Tak vy nie budziecie vykarystoŭvać pakupki jak «tabletku», jakaja dapamahaje adčuć siabie bolš ščaślivym, i kupicie tolki nieabchodnyja rečy.
Azart
Čałaviek — istota sacyjalnaja, tamu našy pavodziny schilnyja da ŭnutryhrupavych skažeńniaŭ. Tak, ubačyŭšy čerhi la kas, u nas uźnikaje mižvolnaja cikavaść i žadańnie nabyć toje, pa što vystrailisia surodzičy. Arhanizatary rasprodažu viedajuć pra hetu asablivaść i, kab sabrać u adnym miescy pabolš ludziej, abmiažoŭvajuć čas dziejańnia źnižak, čym stvarajuć niepraciahły ažyjataž. Da cikavaści dadajecca tryvoha: treba paśpieć kupić reč, pa jakuju pryjšli inšyja ludzi, pakul vas nichto nie apiaredziŭ — navat kali jana vam absalutna niepatrebnaja.
Paddacca instynktam lahčej, čym słuchać hołas rozumu. I ŭsio ž jość prostaje praktykavańnie, jakoje dapamoža nie prytrymlivacca dziejańniaŭ natoŭpu. Usio prosta: pahladzicie na čarhu la kas ci na pakupnikoŭ u handlovaj zale i acanicie ich vybar. Padydzicie da zadańnia adkazna i prykińcie, ci pasujuć ludziam vybranyja imi rečy i ci budzie heta adzieńnie aktualnym u nastupnym siezonie. Ciapier padličycie, kolki ź ich u vyniku kupić rečy, jakija im niepatrebnyja. Takoje praktykavańnie dazvalaje pahladzieć na situacyju zboku i prytarmazić, kali chočacca kuplać prosta tamu, što tak robiać usie.
Fota: unsplash.com
Pryhožyja ličby
Kali ŭ vas atrymałasia samaje składanaje — padmanuć svoj mozh na etapie instynktaŭ, to pasprabujcie nie patrapić u pastku «pryhožych ličbaŭ».
Pradaŭcy časta vykarystoŭvajuć słohany-padmanki, jakija lohka mohuć źbić z pantałyku, naprykład: «Kali vy kupicie naš televizar, vy aščadzicie 1000 rubloŭ!». Mozh usprymaje taki zaklik jak mahčymaść dla «zarobku» na roźnicy cen i pačynaje prydumlać, kudy jašče možna vydatkavać tysiaču, jakaja vyzvaliłasia. U vyniku čałaviek kuplaje i televizar, i niekalki niepatrebnych tavaraŭ u dadatak.
Fota: unsplash.com
Papiaredžany — značyć uzbrojeny. Uspaminajcie pra hetu manipulacyju, kali ruki paciahnucca pa tavar pad takim ceńnikam-słohanam. Navat kali ŭ toj momant vam zdajecca, što takaja pakupka budzie ŭdałaj, nie śpiašajciesia. Viarniciesia dadomu i praviercie ceny na hetuju madel u internecie. Kali słohan sapraŭdy apraŭdvaje siabie — možna pryjechać nazad u kramu.
Samy prosty i ŭ toj ža čas dziejsny truk pradaŭcoŭ — nieakruhlenyja ceny. Tavar z takoj canoj my ličyć tańniejšym: błuzka pa 19,99 rubla ŭ našym usprymańni budzie kaštavać 19, a nie 20 rubloŭ. Roźnica ŭ kapiejku sapraŭdy moža adpravić hetuju reč u vaš košyk, tamu važna prahavaryć sabie canu, akruhlennuju ŭ bolšy bok.
Jak vyjści z rasprodažu pieramožcam
Ciapier, kali vy viedajecie pryjomy supiernika, raspracujcie płan svajoj pieramohi.
Dla pačatku padrychtujciesia da šopinhu: naviadzicie paradak u šafie, akuratna raskładzicie adzieńnie i prykińcie, jakich rečaŭ vam nie chapaje. Vaźmicie hety śpis z saboj u kramu i imkniciesia ad jaho nie adchilacca.
Składajučy płan pakupak, źviarnicie ŭvahu na vierchniaje adzieńnie. Kali vam patrebna novaje palito, šopinh varta pačać z pošuku mienavita jaho — źnižka na hetuju reč budzie asabliva adčuvalnaj, a pakupka ŭ siezon rasprodažu — apraŭdanaj.
Fota: unsplash.com
Kali čas ad času vy robicie impulsiŭnyja pakupki, pastaŭcie sabie ramki. Zahadzia padumajcie, jakuju sumu vy hatovyja vydatkavać i kolki času chočacie pravieści ŭ kramach. Pieraviadzicie hetuju sumu na asobnuju kartu abo vaźmicie jaje hatoŭkaj. Usie astatnija hrošy pakińcie doma. Pierad vychadam zaviadzicie budzilnik i vychodźcie z kramy, kali jon praźvinić. Kali vialiki šaniec jaho praihnaravać, pryznačcie sustreču adrazu paśla čakanaha zakančeńnia šopinhu.
Pamiatajcie ab tym, što zakon praduhledzieŭ termin viartańnia rečaŭ — u roznych krainach jon składaje ad dvuch tydniaŭ da miesiaca. Tamu abaviazkova zachavajcie ček i zrabicie paŭtornuju prymierku doma. Acaniŭšy adzieńnie ŭ realnym aśviatleńni i prykinuŭšy abnoŭki sa svaimi rečami, prymajcie rašeńnie, pakidać ich ci viartać.
Vykarystoŭvajcie hetyja niachitryja praviły, kali pojdziecie na pošuki abnovak. Upeŭnienyja, što z imi vaš šopinh sapraŭdy stanie ekanomnym.
Čytajcie taksama:
10 sukienak biełaruskich brendaŭ, jakija vyratujuć u letniuju śpioku
