Biełaruska-kitajskija pieršaprachodcy

Pieršaj madellu, jakuju pačali źbirać pad Barysavam, byŭ siedan Geely SC7. Aŭtamabil vypuskali z 2013 da 2016 hoda. To-bok samym pieršym ekzemplaram užo spoŭniłasia 10 hadoŭ, a samamu maładomu — 7. Ciapier u Biełarusi pradajecca krychu bolš za 30 takich aŭtamabilaŭ.

Za samyja tannyja varyjanty prosiać mienš za $3000. 

Fota: skrynšot z sajta av.by

Fota: skrynšot z sajta av.by

Naturalna, što samyja tannyja ekzemplary vyhladajuć nie nadta pryvabna. Navat na fota bačna, što kuzaŭ aŭtamabila patrabuje ŭvahi. Pryčym nie tolki praz karoziju, jakaja «lubić» hetuju madel, ale i praź inšyja paškodžańni.

Fota: av.by

Fota: av.by

Kala pałovy Geely SC7 pradajucca pa cenach ad 4000-5000 dalaraŭ.

Ale navat u hetym cenavym dyjapazonie składana znajści mašyny, dzie ŭ apisańni nie budzie paznačana pra prablemy z kuzavam.

Tak, naprykład, u Breście pradajecca aŭtamabil 2014 hoda, jaki zhodna z apisańniem maje ŭsiaho 115 tysiač kiłamietraŭ prabiehu i ŭvieś čas znachodziŭsia va ŭłasnaści adnaho haspadara.

«Pa technicy nijakich prablem niama, pa kuzavie ničoha krytyčnaha, jak va ŭsich «Džyli», — namiakaje na najaŭnaść karozii pradaviec.

Niahledziačy na toje, što na pieršy pohlad aŭtamabil vyhladaje hodna, pryhladzieŭšysia da fota, možna pabačyć, što na kuzavie prysutničajuć ślady karozii. Sałon 9-hadovaha aŭtamabila taksama zachavaŭsia nie ŭ idealnym stanie. Styrno vyhryziena, vadzicielskaje siadzieńnie razychodzicca pa švach, materyjały majuć raskoliny.

Fota: av.by, kałaž: «Naša Niva»

Fota: av.by, kałaž: «Naša Niva»

Samyja darahija Geely SC 7 acenieny ŭ 6000—6600 dalaraŭ. Stolki prosiać za aŭtamabili biez zaŭvažnych prablem pa kuzavie i prabieham kala 100 tysiač kiłamietraŭ.

Fota: skrynšot z sajta av.by

Fota: skrynšot z sajta av.by

Jak vynikaje z apisańnia da hetych aŭto, zachavać kuzaŭ u hodnym stanie atrymałasia tolki dziakujučy nieadnarazovym apracoŭkam antykarazijnymi sastavami.

«Dziravyja» parkietniki

Druhoj madellu, jakuju pačali źbirać u Biełarusi naprykancy 2013 hoda, baŭ parkietnik Geely Emgrand X7. Aŭtamabili pieršaha pakaleńnia taksama vypuskali da 2016 hoda. Paśla madel pieražyła ŭžo dva abnaŭleńni.

Usiaho ŭ nas pradajecca 16 takich parkietnikaŭ pieršaj hienieracyi. Za samy tanny varyjant prosiać 3500 dalaraŭ. Praŭda, mašyna maje prablemy z AKPP i niuansy pa kuzavie. Aŭtamabil 2015 hoda vypusku, zajaŭleny prabieh — 360 tysiač km.

Fota: skrynšot z sajta av.by

Fota: skrynšot z sajta av.by

Nastupnaja pa darahaviźnie Emgrand X7 aceniena ŭ 5 tysiač «viečna zialonych». 

Fota: av.by

Fota: av.by

Kuzaŭ 9-hadovaha parkietnika znachodzicca ŭ žachlivym stanie. Mocnuju karoziju i dziry možna pabačyć amal na kožnym elemiencie kuzava.

Fota: av.by

Fota: av.by

Sałon aŭtamabila pry hetym vyhladaje vielmi hodna. Zajaŭleny prabieh — 135 tysiač kiłamietraŭ.

Navat tyja aŭtamabili, za jakija prosiać 7+ tysiač dalaraŭ majuć vidavočnyja prablemy pa kuzavie ŭ vyhladzie karozii. 

Fota: skrynšot z sajta av.by

Fota: skrynšot z sajta av.by

Samyja darahija ekzemplary pradajuć za 8500—9700 dalaraŭ. Tolki siarod ich možna znajści varyjanty biez zaŭvažnych prablem z karozijaj.

Dla daviedki: na siońnia samaj tannaj madellu z tych, što vypuskajucca ŭ Biełarusi, źjaŭlajecca Geely Emgrand druhoha pakaleńnia. Aŭto ŭ kamplektacyi Standart kaštuje ad 49 200 rubloŭ (kala $16 400). U vykanańni Flagship — ad 56 900 rubloŭ (amal 19 tysiač dalaraŭ).

Čytajcie taksama: 

«BiełDžy» budzie vypuskać aŭto pad ułasnym brendam — BelGee

Łukašenka zahadaŭ usie dziaržorhany i arhanizacyi pierasadzić na «Džyli». Nie abyšłosia biez vyklučeńniaŭ

«Dynamika pałochaje». U Biełarusi ŭstryvožylisia ekspansijaj kitajcaŭ na aŭtamabilny rynak

Клас
3
Панылы сорам
21
Ха-ха
32
Ого
4
Сумна
9
Абуральна
3