Ściahi Ukrainy i Jeŭrasajuza. Fota: AP
Zhodna z unutranaj dakumientacyjaj sakrataryjata Rady Jeŭrasajuza, ź jakoj aznajomiłasia vydańnie The Financial Times, pryniaćcie novych 9 krain pryviadzie da pieraraźmierkavańnia sumy bolšaj za 256 miljardaŭ jeŭra (amal tryljon biełaruskich rubloŭ — NN).
Najbujniejšuju častku srodkaŭ z hetaj sumy maje atrymać Ukraina — 186 miljardaŭ jeŭra.
Heta tolki papiarednija ličby, jakija majuć być kančatkova vyznačany da 2027 hoda.
Razam ź imi maje być zaćvierdžany i abnoŭleny ahulny biudžet Jeŭrasajuza, jaki z dałučeńniem dzieviaci krain vyraście, piša The Financial Times.
U dakumiencie paznačana, što kalektyŭny biudžet ES u vypadku pašyreńnia pavialičycca na 21% amal da paŭtara tryljona jeŭra. Dla paraŭnańnia: raschody biudžetu Biełarusi ŭ 2023 hodzie składajuć prykładna 36,5 miljarda rubloŭ (kala 11 miljardaŭ jeŭra).
«Mnohija z tych, chto byŭ aktyŭnym recypijentam srodkaŭ z boku Jeŭrasajuza, naadvarot stanuć donarami», — havorycca ŭ zakrytym dakumiencie Rady ES, da jakoha atrymali dostup žurnalisty.
Dałučeńnie «Ukrainy, Małdovy, Hruzii i jašče 6 zachodniebałkanskich krain» moža ŭzmacnić hieapalityčny ŭpłyŭ Jeŭrasajuza, pavialičyć kolkaść jaho supolnaha nasielnictva na 66 miljonaŭ čałaviek», — havorycca ŭ dakumiencie.
Asobna padkreślivajecca, što Ukraina ŭ vypadku ŭstupleńnia ŭ ES stanie tam «najbujniejšaj krainaj pa płoščy sielskahaspadarčych ziemlaŭ», a Francyja pasuniecca pa hetym pakazčyku na druhoje miesca.
Mienavita datacyi sielhasvytvorcam składuć značnuju častku srodkaŭ, jakija budzie atrymlivać Ukraina ź biudžetu ES u vypadku dałučeńnia.
U samoj Radzie ES admovilisia kamientavać uciečku. Pavodle The Financial Times, dakumient z zakrytaj infarmacyjaj jašče nie byŭ uchvaleny aficyjna.
Čytajcie taksama:
Jeŭrasajuz vyznačyŭsia, jak budzie zmahacca ź vialikaj kolkaściu ŭciekačoŭ
Kazachstan zabaraniaje pieravozić na svaju terytoryju hruzy, pieračeplenyja ŭ Biełarusi