Fota: Vittorio Zunino Celotto / Getty Images
Na razhlad u sud nakiravana kryminalnaja sprava ŭ dačynieńni da 20-hadovaha minčuka, jakoha abvinavačvajuć va ŭchileńni ad mierapryjemstvaŭ pryzyvu, paviedamlajuć Minsk-naviny.
U listapadzie 2021 hoda jamu dali adterminoŭku, bo jon pastupiŭ va ŭniviersitet na dzionnuju formu navučańnia. U 2023-m chłopca adličyli z VNU z-za niepaśpiachovaści i prahułaŭ, pra što administracyja navučalnaj ustanovy apaviaściła vajenny kamisaryjat Centralnaha rajona.
Taksama biez uvažlivych pryčyn u pryznačany čas junak nie pryjšoŭ i ŭ vajenkamat, niahledziačy na toje, što byŭ aznajomleny pad podpis ab kryminalnaj adkaznaści za ŭchileńnie ad pryzyvu, a źjechaŭ amal na try miesiacy ŭ Paŭdniovuju Kareju budavać karjeru madeli.
U vyniku atrymaŭ kryminalnuju spravu. Chłopcu pahražaje da dvuch hadoŭ źniavoleńnia. Vinu jon pryznaŭ całkam, u zroblenym raskajaŭsia. U dačynieńni da jaho abranaja miera strymańnia ŭ vyhladzie zabarony peŭnych dziejańniaŭ.
Čytajcie taksama:
Ajcišniki z prablemami sa zdaroŭjem atrymlivajuć pozvy ŭ vajenkamat
U Pieciarburhu zatrymali pryzyŭnika, jaki źbieh ź Biełarusi ad vojska
U Minsku mužčynu aryštavali na 3 miesiacy za niajaŭku ŭ vajenkamat
