Uejn Runi, kali vystupaŭ za «Eviertan» i «ManJunajted», mieŭ mianušku Šrek, a jak staŭ trenieram, to adhadavaŭ baradu. Fota: instahram Uejna Runi
«Birminhiem» abviaściŭ ab pryznačeńni Uejna Runi hałoŭnym trenieram kamandy. Pahadnieńnie z 37-hadovym brytancam raźličana na 3,5 hoda.
Uejn Runi pačynaŭ karjeru ŭ «Eviertanie», z 2004 pa 2017 hod hulaŭ za «Mančester Junajted». Taksama jon vystupaŭ za «Derbi Kaŭnci», potym pierabraŭsia ŭ ZŠA, dzie hulaŭ i treniravaŭ staličny «Dzi Si Junajted».
Runi — piacirazovy čempijon Anhlii. Jon vyjhraŭ taksama Lihu čempijonaŭ (2008) i Lihu Jeŭropy (2017). Za «ManJunajted» va ŭsich turnirach zabiŭ 253 hały, što źjaŭlajecca rekordam u historyi kłuba. Za zbornuju Anhlii Runi maje 53 hały.
«Birminhiem» vystupaje ŭ čempijonšypie — druhim pa sile dyvizijonie čempijanatu Anhlii. Zaraz kamanda idzie na šostym miescy, što daje propusk u płej-of.
U siezonie 2010-2011 za «Birminhiem», jaki tady hulaŭ u premjer-lizie, vystupaŭ Alaksandr Hleb na pravach arendy. Jon zhulaŭ 19 matčaŭ, zabiŭ adzin hoł i ŭ nastupnym siezonie pierabraŭsia ŭ niamiecki «Volfsburh».
Čytajcie taksama:
Samy talenavity navičok NCHŁ ledź nie zabyŭ klušku pierad pieršym vychadam na lod
Eden Azar skončyŭ karjeru ŭ 32 hady
Čempijanat Jeŭropy pa futbole — 2032 projdzie ŭ Italii i Turcyi
