Fota: Vajskovy kamisaryjat Bresckaj vobłaści
6 kastryčnika ŭ vajskovym kamisaryjacie Ivanaŭskaha rajona prajšło vyjaznoje sudovaje pasiadžeńnie, na jakim była «razhledžanaja kryminalnaja sprava pavodle abvinavačvańnia vajskovaabaviazanaha za ŭchileńnie ad jaŭki na vajskovyja zbory», paviedamiŭ «Biełaruski Hajun» sa spasyłkaj na kamisaryjat Bresckaj vobłaści.
Imavierna, abvinavačanaha sudzili pa art. 436 KK RB «uchileńnie reziervista abo vajennaabaviazanaha ad jaŭki na zbory (zaniatki)». Ab vynikach razhladu spravy nie paviedamlałasia.
Art. 436 KK RB praduhledžvaje pakarańnie ŭ vyhladzie hramadskich rabot, štrafu, papraŭčych rabot na termin da hoda abo aryšt. A ŭ vypadku ŭchileńnia ad vajennych zboraŭ šlacham naŭmysnaha pryčynieńnia cialesnaha paškodžańnia, simulacyi zachvorvańnia abo padrobki dakumientaŭ — da dvuch hadoŭ abmiežavańnia voli.
Najchutčej, heta była pieršaja kryminalnaja sprava pavodle art. 436 KK, jakuju sud razhledzieŭ u 2023 hodzie. U ahulnadastupnym elektronnym banku sudovych rašeńniaŭ za pieryjad z 1 studzienia pa 11 kastryčnika 2023 hoda niama prysudaŭ pa art. 436 KK RB.
Pry hetym u 2022 hodzie było vyniesiena 10 takich prysudaŭ, a ŭ 2021-m — usiaho 2. Čaściej za ŭsio ŭ jakaści pakarańnia abvinavačanym pryznačaŭsia štraf, radziej — aryšt i hramadskija pracy.
Z 1 studzienia pa 30 vieraśnia 2023 hoda na roznyja vidy vajskovych zboraŭ va US RB, unutranyja i terytaryjalnyja vojski było pryzvana nie mienš za 9820 čałaviek.
