Prezident Vieniesueły Uha Čavies znoŭ rezka raskrytykavaŭ palityku ZŠA ŭ Łacinskaj Amierycy.
Na zakryćci samita Balivaryjanskaha aljansu narodaŭ Amieryki ŭ Havanie jon nazvaŭ jaje ahresiŭnaj, skazaŭšy, što Złučanyja Štaty atačajuć Vieniesuełu vajennymi bazami. Dastałosia i Baraku Abamu:
«Heta — łaŭreat Nobieleŭskaj premii vajny. Zaraz nam pahražaje jaho pradstaŭnik — dziaržsakratar. Ale heta śmiešnyja pahrozy.
My nie baimsia vas.
Jany kažuć: uzvažvać nastupstvy vašych dziejańniaŭ u adnosinach ź Iranam. Tak, my ŭzvažvajem hetyja nastupstvy, i našy adnosiny z narodam i ŭradam Irana buduć umacoŭvacca z kožnym dniom».
Na samicie taksama było abvieščana, što ŭžo z studzienia krainy aljansa, jaki abjadnoŭvaje Baliviju, Vieniesuełu, Ekvador, Kubu, Handuras, Nikarahua i šerah vyspaŭ karybskich dziaržaŭ, piarojduć va ŭzajemaraźlikach u handli na adzinuju ŭmoŭnuju hrašovuju adzinku ‑‑ sukre i admoviacca ad abrydłaha dalara.
