Fota: «Virtualny Brest»
Ciapier harbuz vahoj amal u paŭtony adpravili ŭ stalicu, paviedamlaje «Virtualny Brest».
Bijołah Viktar Dziamieška ŭžo nie pieršy hod vyroščvaje vielizarnyja harbuzy, ale sioletni bje ŭsie rekordy. Jon važyć kala paŭtony, i pra jaho ŭžo raniej pisali. A ciapier jahony haspadar sutyknuŭsia z sapraŭdnaj prablemaj, pisaŭ «Hancavicki čas».
Viktar viadzie błohi ŭ tyktoku i jutubie, dzie možna hladzieć, jak u jaho raście hety harbuz i inšaja harodnina. Smakam, jak kaža Dziamieška, jahonyja harbuzy ničym nie adroźnivajucca ad zvyčajnych, a ich sakret u hatunku — «Atłantyčny hihant». Taki harbuz moža dadavać pa 50 kiłahramaŭ na tydzień.
14 kastryčnika Viktar Dziamieška źniaŭ čarhovy rolik, u jakim pakazaŭ, jaki harbuz ciapier vializny i źviarnuŭsia da ŭładaŭ ź niezvyčajnaj prośbaj.
«Heta zvarot da kiraŭnictva horada Bresta. Kali jość takaja mahčymaść, kab harbuz pieravieźli na kirmaš i pakazali ŭsim žycharam Bresta. Tym bolš, u 2018 hodzie my ŭžo heta rabili», — skazaŭ Viktar.
Ciažkaści ŭ tym, što dla pieravozu harbuza vahoj u paŭtony vidavočna spatrebicca kran. Zatoje, maŭlaŭ, jaki ekspanat budzie na kirmašy, kolki sełfi zrobiać haradžanie z samym vialikim harbuzom Bresta.
U kamientarach ludzi dzivilisia z pamieru, nie vieračy, što jon vyraščany biez chimii. A niekatoryja prosiać «choć piać siemak». Inšyja aharodniki kažuć, što ŭ ich samyja bujnyja 15—30 kiłahramaŭ.
U vyniku bresckija ŭłady dapamahli Viktaru z transpartavańniem harbuza.
