Ź Biełaviežskaj puščy vyjšli amal usie zubry. Kudy i navošta?

Fota: npbp.by

Jak rastłumačyli navukoŭcy, miescy dysłakacyi zubroŭ u Biełaviežskaj puščy źmianiajucca pa siezonach.

«Z nadychodam vosieńskich chaładoŭ lasnyja ŭčastki, dzie žyvuć hetyja žyvioły, pastupova źmianiajucca na pašavyja i inšyja dastupnyja terytoryi. Abumoŭlena heta tym, što ŭ zimovy čas hoda ŭ lesie dla takich bujnych žyvioł niedastatkova naturalnych karmoŭ, i jany vymušanyja šukać jaho na palach i sienažaciach», — raskazali ŭ Nacparku.

Zubry buduć znachodzicca za miežami lasnych masivaŭ usiu zimu i rańniuju viasnu. U tym liku jany buduć «padjadać» reštki cukrovych burakoŭ, kukuruznyja katachi i navat pasievy azimych. Tolki ŭ mai, sa źjaŭleńniem u lesie travianistaha kormu, žyvioły viernucca ŭ svaje tradycyjnyja miescy pražyvańnia.

Jak adznačyli ŭ Nacparku, takaja zakanamiernaść u žyćci biełaviežskich zubroŭ adznačajecca z hodu ŭ hod. Pry hetym kala 20% usich biełaviežskich zubroŭ zastajecca zimavać u lasach na miescach ich zimovaj padkormki.

Fota: npbp.by

Na pačatak hetaha hoda ŭ Nacyjanalnym parku «Biełaviežskaja pušča» naličvałasia 730 zubroŭ (na 27 bolš, čym letaś).

Čytajcie taksama:

U Litvie zubroŭ vyrašyli pasialić kala miažy ź Biełaruśsiu

Kab pieravieźci zubra z kałhasnaha statka ŭ safary-park, zaprasili śpiecyjalista ź Jakucii i stvaryli kamisiju z 26 čałaviek

Miod, bałoty i duby. Dzie i jak adpačyć na Paleśsi vosieńniu?

38

1

1

6

1

2

Nashaniva.com