Adna z publikacyj, na jakoj «kuma Pucina» Viktara Miedźviedčuka vystaŭlajuć za nibyta pałonnaha pałkoŭnika armii Izraila Jaira Šałama. Fota: arabski tvitar
Źviazanyja z bajevikami CHAMAS miedyja pachvalilisia ŭziaćciem u pałon vysokapastaŭlenaha izrailskaha aficera, jakim, na ździŭleńnie znajomych ź situacyjaj u našym rehijonie, akazaŭsia «kum Pucina» Viktar Miedźviadčuk.
Za aryhinał vydali fota Miedźviedčuka ŭ kajdankach padčas aryštu jaho ŭkrainskimi siłavikami, jakija złavili taho pry sprobie ŭciokaŭ z Ukrainy da pazicyj rasijskich vojskaŭ.
Pryčym Miedźviedčuka vydali adrazu za dvuch nibyta pałonnych aficeraŭ CACHAŁ: pałkoŭnika Jaira Šałama i hienierała Icchaka Bryka. Pa lehiendzie prachamasaŭskich kanałaŭ, aficeraŭ nibyta pałanili padčas izrailskaj naziemnaj apieracyi. Ich pałon dahetul tak i nie byŭ aficyjna paćvierdžany Izrailem.
Adnak navina z fota Miedźviedčuka dniami chutka raźlaciełasia pa arabskim tvitary i stała trendam. Karystalnikaŭ pry hetym ničoha nie źbiantežyła.
Pryvodzim u jakaści prykładu niekalki publikacyj. Spačatku «kuma Pucina» vydavali za pałkoŭnika Jaira Šałama.
Paśla hetaha Miedźviadčuk rezka «pieraŭtvaryŭsia» ŭ izrailskaha hienierała Icchaka Bryka. Pryčym dla abaznačeńnia sapraŭdnaha hienierała Bryka prychilniki CHAMAS i inšyja karystalniki tvitara pradoŭžyli karystacca vyjavami pałkoŭnika Jaira Šałama i prymacoŭvać u jakaści krynic bujnyja arabskija vydańni, jak Al Arabia i hetak dalej.
U žyćci hienierał Bryk vyhladaje zusim inakš.
A voś sapraŭdnaje fota hienierała Icchaka Bryka. Ciapier jon u adstaŭcy i dapamahaje paradami vajskovamu kabinietu Izraila.
Icchak Bryk. Fota: Yonatan Sindel / Flash90
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
«Kum Pucina» Viktar Miedźviadčuk paśla vyzvaleńnia abzavioŭsia novaj jachtaj za 9,6 miljona dalaraŭ
Miedźviadčuk stvaraje ŭ Rasii «palityčny ruch», u jakim vypłyŭ i biełaruski piersanaž
«Zatrymali vypadkova». Miedźviadčuk raspavioŭ, chto jaho zatrymaŭ paśla ŭciokaŭ z-pad varty
