Natalla i Anton
Maładyja raskazali svaju sumnuju historyju. Natalla raniej praviała ŭ ankacentry niekalki miesiacaŭ sa svajoj dačkoj.
«U Baraŭlany my trapili ŭ kancy 2020-ha. Aryjanie byŭ usiaho hod i miesiac, kali nam pastavili strašny dyjahnaz «mijełabłasny lejkoz», — pryznałasia Natalla. Tady žančynie z dačkoj dapamahali vałanciory z KinderVita.
Na žal, u vieraśni 2021-ha dziaŭčynki nie stała… U pamiać pra Aryjanu žančyna navat datu viasiella (20 kastryčnika) abrała tak, kab jana była pobač z dniom naradžeńnia dački (19 kastryčnika).
«Nam chaciełasia nie prosta sabrać cacki i pieradać ich u ankacentr, ale i pryciahnuć uvahu inšych da taho, jak važna padtrymlivać dzietak, jakija tam lečacca», — raskazała Natalla.
27 kastryčnika muž i žonka pieradali vałancioram KinderVita sabranyja padarunki. Ad siabie para dakupiła jašče srodkaŭ hihijeny. Natalla i Anton ščyra spadziajucca, što ich uniosak kamuści dapamoža znajści siły, kab ruchacca dalej da pieramohi dziela siabie, rodnych i pamiaci pra tych, kamu heta nie ŭdałosia.
KinderVita — dabračynnaja arhanizacyja, jakaja dapamahaje dzieciam u Baraŭlanach i ŭ ankaadździaleńniach u Homieli i Mahilovie. Vałanciory padtrymlivajuć chvorych dziaciej srodkami hihijeny, śpieccharčavańniem i cackami. Usio nieabchodnaje padbirajecca indyvidualna, uličvajučy ŭzrost, prośby i intaresy dziciaci.
Čytajcie taksama:
Piać viadomych biełaruskich mam raskazali, što b chacieli viedać da naradžeńnia dziciaci