Uładzimir Zialenski ŭ čas pres-kanfierencyi z prezidentam Jeŭrakamisii Ursułaj fon der Lajen. Fota: Andrew Kravchenko/Bloomberg via Getty Images
«Heta nie patavaja situacyja. Rasija kantraluje nieba. My bieražom našych vajskoŭcaŭ. Prosta kidać, jak Rasija kidaje jak miasa svaich ludziej, nichto nie choča» — pryvodzić słovy ŭkrainskaha lidara vydańnie «Intierfaks-Ukrajina».
Raniej Załužny zajaviŭ pra dasiahnieńnie «tupika» na froncie i pierachod da pazicyjnaj vajny, u jakoj, na jaho dumku, Ukraina nie budzie mieć pieravahi.
«Jak pieraadoleć heta? F-16, treba čakać, kali chłopcy navučacca, kali jany viernucca. Kali na froncie jość SPA, vajskoŭcy iduć napierad, vykarystoŭvajuć techniku», — skazaŭ Zialenski.
Zialenski nahadaŭ, što letaś usie ličyli, što Ukraina ŭ patavaj situacyi, ale niekalki vajennych chitraściaŭ — i charkaŭski rehijon byŭ vyzvaleny.
«My nie majem prava apuskać ruki. Jakaja alternatyva? Što, treba addać tracinu našaj dziaržavy? Heta ž budzie tolki pačatak. My ž viedajem, što takoje zamarožany kanflikt, my ŭžo dla siabie zrabili vysnovy», — adznačyŭ Zialenski.
Zialenski taksama źviarnuŭ uvahu na toje, što treba bolš pracavać z partniorami pa SPA, razbłakavać nieba, dać mahčymaść ukrainskim vajskoŭcam pravieści nastupalnyja dziejańni.
Čytajcie taksama:
U Ofisie prezidenta Ukrainy paraili Załužnamu nie vynosić situacyju na froncie na publiku
U Kijeŭ pryjechała staršynia Jeŭrakamisii Ursuła fon der Lajen
Załužny: Vajna zajšła ŭ tupik. Jana moža zaciahnucca na hady i vymatać ukrainskuju dziaržavu
