Šviecyja pryznačaje śpiecyjalnaha pasłanca pa biełaruskich spravach, jaki budzie pracavać ź biełarusami vyhnańnia i biełaruskim demakratyčnym rucham. Takim pradstaŭnikom stała byłaja ambasadarka Šviecyi ŭ Biełarusi Kryścina Juchaniesan.
Kryścina Juchaniesan.
Akramia hetaha, Cichanoŭskaja i kiraŭnik šviedskaha MZS abmierkavali supracoŭnictva ŭ roznych halinach, u tym liku ŭ kulturnaj, padtrymku palitviaźniaŭ i mahčymyja šlachi ich vyzvaleńnia. Havaryli taksama pra mahčymaść uzmacnieńnia sankcyj na biełaruski režym.
Jak znak padziaki za supracoŭnictva, Cichanoŭskaja ŭručyła Bilstramu ŭznaharodu «Kryž dabrasusiedstva».
Bilstram, u svaju čarhu, padčas admysłovaha bryfinhu adznačyŭ nieabchodnaść uzmacnieńnia sankcyj suprać režymu Łukašenki i ŭsich adkaznych za represii i cisk na biełaruskaje nasielnictva. Taksama jon padkreśliŭ nieabchodnaść dla Jeŭrasajuza spryjać bolš ščylnaj intehracyi ź Biełaruśsiu.
Heta nie pieršy śpiecpradstaŭnik krainy ES pry ofisie Śviatłany Cichanoŭskaj. Z demsiłami pracujuć ambasadary z Polščy (Artur Michalski), Estonii (Marka Kaplimaa), Litvy (Asta Andryjaŭskienie) i Francyi (Vijalen de Vilmior).
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
i podpis - ja daloka nie hreta tumbierh