Polskija pieravozčyki pačali błakadu ŭkrainskaj miažy. Fota: Rafał Mekler / Twitter
Udzielniki błakady patrabujuć uviadzieńnia kamiercyjnych dazvołaŭ dla ŭkrainskich pieravozčykaŭ i skaračeńnia ich kolkaści da ŭzroŭniu, jaki isnavaŭ da rasijskaha ŭvarvańnia va Ukrainu.
Kiroŭcaŭ lehkavych aŭtamabilaŭ, aŭtobusaŭ i transpartnych srodkaŭ, jakija pieravoziać žyvych žyvioł, a taksama humanitarnuju i vajennuju dapamohu, abiacajuć prapuskać.
U Dziaržpahransłužbie Ukrainy papiaredzili pra mahčymaje ŭskładnieńnie ruchu jak na ŭjezd u Polšču, tak i na vyjezd.
Polskija pieravozčyki pačali błakadu ŭkrainskaj miažy. Fota: Rafał Mekler / Twitter
«Arhanizatary pratestu płanujuć prapuskać pa adnym hruzavym aŭtamabili za hadzinu, a taksama hruzavyja aŭtamabili z hruzami biaśpieki, humanitarnaha charaktaru, tyja, jakija pieravoziać žyvioł, pradukty, što chutka psujucca i h.d.», — havorycca ŭ paviedamleńni.
Paśla pačatku poŭnamaštabnaj vajny z RF Jeŭrasajuz pajšoŭ na biesprecedentnyja kroki dla padtrymki ŭkrainskaj ekanomiki i na hod admianiŭ nieabchodnaść atrymańnia ŭkraincami dazvołaŭ. A ŭletku hetaha hoda ES padoŭžyŭ dziejańnie hetaj normy da červienia 2024 hoda.
Ciapier polskija pieravozčyki patrabujuć admianić hetuju lhotu ŭ pryncypie i viarnuć staruju dazvolnuju sistemu.