Port u Kierčy. Fota: Krym. Realii
Rasijskija srodki SPA źniščyli dzieviać ukrainskich bieśpiłotnikaŭ nad Čornym moram i Krymam, jašče vosiem dronaŭ pierachoplenyja, zajavili ŭ Minabarony Rasii.
Abłomki adnaho sa źbitych bieśpiłotnikaŭ upali ŭ dvary pryvatnaha doma ŭ siale Arłoŭka. Mužčyna atrymaŭ pierałom ruki.
Pavodle miascovych uładaŭ, surjoznych paškodžańniaŭ budynkaŭ i kamunikacyj u Sievastopali nie zafiksavana.
Minabarony RF raniej paviedamlała, što ŭviečary 4 listapada USU nanieśli rakietny ŭdar pa sudnabudaŭničym zavodzie ŭ Kierčy. Rakietaj byŭ paškodžany adzin z karabloŭ na zavodzie. U momant ataki tam znachodziŭsia adzin z samych sučasnych karabloŭ ČF RF — nośbit kryłatych rakiet «Kalibr».
Učora ŭ siecivie zjaviłasia videa z, jak śćviardžajecca, momantam paražeńnia rakietaj rasijskaha vajskovaha karabla «Askold» u Kierčy.
