Fota: Realt.onliner.by
U miežach vulic Michasia Łyńkova — Piatra Hlebki — prajezdu Masiukoŭščyna źjaviacca dva novyja žyłyja mikrarajony. Pra heta raskazała staršynia kamiteta budaŭnictva i inviestycyj Minharvykankama Iryna Hontarava, pišuć Minsk-naviny.
— Na hetaj terytoryi praduhledžvajecca zabudova dvuch maštabnych kvartałaŭ (№3 i №4) žyllom. Zakazčykam vystupaje UKB Frunzienskaha rajona, — udakładniła I.Hontarava. — U kvartale №4 užo robicca vulična-darožnaja sietka, padvodziacca inžyniernyja sietki, nieabchodnyja dla ŭźviadzieńnia žylla. U nastupnym hodzie płanujem prystupić da ŭźviadzieńnia budynkaŭ. U kvartale №3 całkam praviedzieny znos. U 2024-m budziem budavać tolki vulicy i darožnyja sietki.
Raniej anansavałasia, što ŭ Masiukoŭščynie-4 uźviaduć čatyry žyłyja damy, dva ź jakich — 4-siekcyjnyja vuhłavyja (ad 5 da 10 pavierchaŭ). Jašče dva damy — 3-siekcyjnyja (ad 5 da 9 pavierchaŭ). U Masiukoŭščynie-3 płanujecca pabudavać 18 damoŭ, u asnoŭnym šmatsiekcyjnych u 7-16 pavierchaŭ, taksama ŭźviaduć piać 19-paviarchovych słupkoŭ.
