The Beijing Xiaomi SU7. Fota: Ministry of Industry and Information Technology
Kitajski hihant-vytvorca smartfonaŭ Xiaomi Corp. prezientavaŭ svoj debiutny elektramabil — piacimiesny siedan z panaramnym šklanym dacham, piša Bloomberg.
U dakumiencie, apublikavanym Ministerstvam pramysłovaści i infarmacyjnych technałohij Kitaja, skazana, što doŭhačakany elektramabil budzie nazyvacca Beijing Xiaomi SU7 i vyrablacca dziaržaŭnaj Beijing Automotive Group Co.
Aŭtamabil maje elehantny eksterjer i mahčymaść ustanoŭki sensarnaj technałohii, viadomaj jak lidar, u vierchniaj častcy vietravoha škła dla ŭdaskanalenaha kiravańnia aŭtamabilem.
Jon raźvivaje maksimalnuju chutkaść 265 kiłamietraŭ na hadzinu i važyć 2,66 tony. Elektramabil siłkujecca ad akumulataraŭ sučasnych kampanij Amperex Technology Co. Ltd. i BYD Co., u zaležnaści ad taho, ci maje jon kanfihuracyju z adnym ci dvuma ruchavikami.
Raniej Xiaomi zajaŭlała, što jaje elektramabil budzie aficyjna zapuščany ŭ prodaž u pieršaj pałovie nastupnaha hoda.
Miarkujecca, što aŭtamabil budzie kaštavać ad 40 tysiač dalaraŭ u ekvivalencie.
Elektramabil pad brendam Xiaomi źjaŭlajecca najvažniejšym źvianom u płanie kampanii pa stvareńni «ŭsioachopnaj ekasistemy» dla svaich klijentaŭ. Kampanija ŭžo abnaviła apieracyjnuju sistemu dla smartfonaŭ i inšaj bytavoj techniki, uklučyŭšy ŭ jaje elektramabili ŭ budučyni, kab karystalniki mahli kiravać usimi typami praduktaŭ Xiaomi na adzinaj płatformie.
Čytajcie taksama:
«Miažu pierasiek u niejkim lasočku». Biełarus źjeździŭ u Jeŭropu na matacykle, nie stojačy ŭ čerhach
U MPZ nazvali marki mašyn, na jakija mohuć vyraści staŭki transpartnaha padatku
Na MKAD zrobiać novyja pierachodna-chutkasnyja pałosy. Navošta?
