Prezident Ukrainy Uładźmir Zialenski i prezidejent ZŠA Džo Bajden. Fota: AP Photo Evan Vucci
Z-za vajny cana barala nafty ŭpieršyniu za dziesiacihodździe pieravysiła 100 dalaraŭ. Naftahazavyja karparacyi pacirajuć ruki. Vajna azałaciła krainy-eksparciory nafty. Pieradusim Saudaŭskuju Araviju i Rasiju. Tak, Rasija ŭ pieršy hod vajny atrymlivała rekordnyja prybytki ad nafty i hazu — pakul nie ŭstupili ŭ siły zachodnija sankcyi. Ale nie tolki «Rasnafta» i Er-Ryjad u vyjhryšy. Skačok cenaŭ staŭ stymułam dla bureńnia novych śvidravin u ZŠA. Kraina stała druhim eksparcioram nafty paśla Saudaŭskaj Aravii. Adnačasova da rekordnaha ŭzroŭniu ŭ ZŠA padniałasia i zdabyča hazu.
Rost pastavak amierykanskaj nafty i pryrodnaha hazu dapamahli pieraduchilić kryzisnuju situacyju enierharesursaŭ na jeŭrapiejskim rynku minułaj zimoju. Rasiju z enierhietyčnaha rynku Jeŭropy vycisnuli, kantynient staŭ poŭnaściu pakładacca na pastaŭki z ZŠA.
Dachody amierykanskich naftavikoŭ na paradak pieravyšajuć vydatki ZŠA na dapamohu Ukrainie. Ci aznačaje heta, što ZŠA nie zacikaŭlenyja ŭ chutkim skančeńni vajny?
Na hetaje pytańnie padčas svajho strymu adkazaŭ vajskovy ekśpiert Aleh Ždanaŭ. Jon źviarnuŭ uvahu na toje, što lubaja vajna zakančvajecca tady, kali dasiahnuty jaje mety, jakija mohuć być samyja raznastajnyja — ekanamičnyja, palityčnyja, terytaryjalnyja.
«U dadzienym vypadku ZŠA dabilisia pieradziełu suśvietnaha enierhietyčnaha rynku. Jany praktyčna poŭnaściu vycisnuli Rasiju i mohuć ekanamična rehulavać Jeŭropu. Złučanyja Štaty raskrucili svoj vajskovy patencyjał, madernizujuć armiju».
Aleh Ždanaŭ ličyć, što ŭ krain Zachadu niama zacikaŭlenaści ŭ zaciahvańni vajny. Skryn videa: OlegZhdanov / YouTube
Pa słovach Ždanava, ukrainski bok čakaje, što ŭ nastupnym hodzie buduć rezka pavialičany pastaŭki dla Ukrainy. «Tak, jany novaha nie daduć, ale buduć madernizavać svaju armiju za košt našaj vajny», — zaŭvažaje ekśpiert.
Nielha zabyvać, što ZŠA praz NATA raspracavali trochhadovuju prahramu padtrymki, madernizacyi i pieraasnaščeńnia ŭzbrojenych sił Ukrainy. Tamu, jak minimum, VPK ZŠA budzie mieć trochhadovyja kantrakty na vytvorčaść uzbrajeńnia. Pa hetaj prahramie Ukraina całkam piarojdzie na zachodniaje ŭzbrajeńnie, admoviŭšysia ad savieckaha.
«Jeŭropa ciapier, pračnuŭšysia, sprabuje prapanavać nam kantrakty na vytvorčaść uzbrajeńnia. Hiermanija idzie napieradzie ŭ hetym pracesie. Rheinmetall u nastupnym hodzie pačynaje vytvorčaść braniatechniki ŭnutry Ukrainy», — adznačaje Ždanaŭ.
Na pohlad ekśpierta, siarod metaŭ vajny prysutničaje i maksimalnaje asłableńnie ŭ vajskovym płanie Rasijskaj Fiederacyi. Ždanaŭ zhadvaje artykuł Załužnaha, u jakim siarod inšaha išła havorka ab tym, što chutkaje zaviaršeńnie vajny šmat u čym zaležyć ad asnaščeńnia ŭkrainskaj armii. U vypadku praciahłaj vajny Rasija pieramoža kolkaściu asabistaha składu: «Kali tam narod nie buntuje i zhodzien iści na zaboj u miasnyja šturmy, značyć Rasija zatoptvaje (pry čym lubuju krainu). I NATA zatopča. I heta zachodnija krainy ŭžo pačynajuć razumieć».
Pa słovach ekśpierta, maksimalnaje asłableńnie vajskovaha patencyjału Rasijskaj Fiederacyi razhladajecca ŭ blizkaterminovaj pierśpiektyvie.
«Nichto nie źbirajecca zaciahvać hetuju vajnu. Bo ŭ advarotnych vypadku raście imaviernaść jaje vychadu z-pad kantrolu. Impieryja, jakuju adnaviŭ Pucin, nie moža biez pašyreńnia i moža vieści zaciažnuju vajnu i takim čynam padtrymlivać svajo isnavańnie. Dla cyvilizavanych krain zaciažnaja vajna — zhubnaja, bo jość stomlenaść i demakratyi i hramadstva ad jaje. Tamu ja nie dumaju, što niechta hatovy na 3—5 hadoŭ raściahvać vajnu», —
vykazvaje svajo mierkavańnie Ždanaŭ. Ekśpiert miarkuje: «Jany [krainy Zachadu] nie mohuć prajhrać, nie my. U hipatetyčna drennym varyjancie my paniasiom paražeńnie, mahčyma zhubim častku terytoryi. Ale ŭ bolšaści jany prajhrajuć.
I siońnia naš projhryš budzie aznačać vajnu ŭ siarednieterminovaj pierśpiektyvie. Jak pisali zachodnija vydańni, 5—6 hadoŭ, i Pucin pojdzie z novaj vajnoj. Jon užo siońnia pavialičvaje armiju. Tamu nichto nie budzie zaciahvać hetuju vajnu».
«Ekanamična pieradzieł rynku ŭ Jeŭropie adbyŭsia, zastałosia dacisnuć Rasiju ŭ vajskovym płanie. Zaraz pavinien adbycca karenny pierałom u vajnie ŭ płanie ŭśviedamleńnia Zachadam nieabchodnaści kardynalnaha pieraŭzbrajeńnia našych sił abarony. Heta toj technałahičny skačok, pra jaki pisaŭ hienierał Załužny», — adznačyŭ Aleh Ždanaŭ.
Čytajcie jašče:
Jakija vyhady vajna va Ukrainie pryniesła Złučanym Štatam
Hiermanija vyrašyła padvoić vajennuju dapamohu Ukrainie
Załužny: Vajna zajšła ŭ tupik. Jana moža zaciahnucca na hady i vymatać ukrainskuju dziaržavu
