24 lutaha 2023 hoda Rada ES abnaviła i padoŭžyła sankcyi ŭ dačynieńni da Biełarusi, jakimi zabaraniałasia pieramiaščeńnie pa terytoryi ES kalijnych uhnajeńniaŭ ź Biełarusi. Terminał navałačnych hruzaŭ vyrašyŭ asprečvać sankcyi ŭ sudzie.
U rašeńni Jeŭrapiejskaha suda źviartajecca ŭvaha na toje, što Kłajpiedski terminał spaźniŭsia z padačaj pazovu na adzin dzień: termin dla inicyjavańnia razboru składaje dva miesiacy i adličvajecca z kanca 14-ha dnia paśla publikacyi rašeńnia ŭ aficyjnym časopisie ES (27 lutaha) — z 13 sakavika. Hety termin dadatkova padaŭžajecca na 10 dzion.
Takim čynam, apošnim dniom dla padačy pazovu było 23 traŭnia, a BKT padaŭ pazoŭ u sud ES 24 traŭnia. Jeŭrapiejski sud u rašeńni adznačyŭ, što «praviły ab terminach, prydatnyja ŭ hetaj spravie, nie vyklikajuć jakich-niebudź asablivych ciažkaściaŭ u tłumačeńni» i abaviazaŭ bok, jaki prajhraŭ, apłacić sudovyja vydatki.
U listapadzie litoŭskija ŚMI sa spasyłkaj na Ministerstva transpartu i suviazi hetaj krainy paviedamili pra toje, što AAT «Biełaruśkalij» pačaŭ arbitražny praces suprać Litvy, patrabujučy kampiensacyi škody ŭ pamiery kala 1 młrd jeŭra, nie ličačy pracentaŭ i sudovych vydatkaŭ.
«Biełaruśkaliju» naležyć 30% akcyj terminała navałačnych hruzaŭ u litoŭskaj Kłajpiedzie. Ciapier akcyi zamarožanyja, bo ŭ 2021 hodzie ES, ZŠA, Vialikaja Brytanija i Kanada ŭviali sankcyi ŭ dačynieńni da pradpryjemstva. Ekspart kalijnych uhnajeńniaŭ praź litoŭski port u Kłajpiedzie spyniŭsia 1 lutaha 2022 hoda.
Čytajcie taksama:
«Biełaruśkalij» choča adsudzić u Litvy miljard dalaraŭ za zabaronu pieravozki kalijnych uhnajeńniaŭ
Kankurenty «Biełaruśkalija» aceńvajuć źnižeńnie jaho pastavak na ekspart napałovu
Dola «Biełaruśkalija» na suśvietnym rynku ŭhnajeńniaŭ skaraciłasia ŭdvaja — Alejnik
Brazilija aktyŭna prasoŭvaje źniaćcie sankcyj ź biełaruskaha kaliju
