Aleks Bici da źniknieńnia šeść hadoŭ tamu
U 2017-m Aleks Bici adpraviŭsia z mamaj i dziadulem na papularny siarod brytancaŭ ispanski kurort. Tam jany niečakana źnikli bieź viestak. Ułady Vialikabrytanii pačali rasśledavańnie.
Śledčyja pahutaryli z babulaj Aleksa — žančyna raspaviała, što mama i dziadula mahli śpiecyjalna vykraści chłopčyka. Maŭlaŭ, u siamji byli pastajannyja sprečki pra budučyniu dziciaci: mama i dzied nie chacieli, kab jon chadziŭ u škołu i raźvivaŭsia, jak astatnija dzieci. Jany mahli zjechać u Ispaniju ŭ pošukach novaha žyćcia.
Palicyja Ispanii i Brytanii viała pošuki Bici šeść hadoŭ.
Usio skončyłasia adnoj nočču 2023-ha: kiroŭca słužby dastaŭki zaŭvažyŭ padletka na paŭdniovym zachadzie Francyi ŭ miastečku Reviel. Chłopiec, mocna padobny na Aleksa, razhulvaŭ sa skiejtbordam i lichtarykam u rukach.
Kiroŭca prahavaryŭ z padletkam. Jon daviedaŭsia, što vałacuha pražyvaŭ u Ispanii, potym pierajechaŭ u Francyju, a potym zachacieŭ viarnucca da rodnych u Brytanski Ołdchem. Mužčyna advioz chłopca ŭ adździeł palicyi, a zatym pajechaŭ u redakcyju miascovaj haziety, dzie jamu pakazali zvodku ab pošuku chłopčyka z Brytanii. Kiroŭca ŭpeŭniena paćvierdziŭ, što razmaŭlaŭ ź Bici.
Babula Aleksa ŭžo pahutaryła z unukam pa telefonie. «Kali raniej ja mieła znosiny z chłopčykam, to ciapier — z sapraŭdnym mužčynam», — raspaviała jana.
Zaraz Aleks znachodzicca pad apiekaj sacyjalnych słužbaŭ, ale vierniecca ŭ Vialikabrytaniju ŭ bližejšyja dni.