Zdymak ilustracyjny. Fota: Arkadij Schell / vecteezy.com
«U nadzvyčajnaj situacyi biaśpieki, jakaja skłałasia ŭ vyniku zachopnickaj vajny RF, nadzvyčaj važna, kab my praciahvali padtrymlivać Ukrainu. Padtrymka Ukrainy važnaja dla narviežskaj i jeŭrapiejskaj biaśpieki.
My pavinny płanavać, što niezakonnaja ahresiŭnaja vajna moža praciahnucca. Tamu ŭrad vyrašyŭ dazvolić pramyja prodažy abaronnaj pradukcyi narviežskich kampanij va Ukrainu», — zajaviŭ ministr zamiežnych spraŭ Narviehii Eśpien Bart Ejde.
Dla prodažu zbroi va Ukrainu narviežskim kampanijam treba budzie źviarnucca za ekspartnaj licenzijaj u MZS krainy. Licenzii buduć vydavacca tolki ŭ indyvidualnym paradku. Pradavać zbroju možna budzie tolki ŭkrainskim uładam, pastaŭščyki pavinny buduć pradstavić dakumientacyju pra kančatkovaha karystalnika.
Čytajcie taksama:
U navahodniuju noč Rasija atakavała Ukrainu rekordnaj kolkaściu dronaŭ-kamikadze
Čamu Ukraina nie atakavała Biełaruś u adkaz na zapuski rakiet i navošta «addaje naležnaje» Łukašenku
