Fota: naretsaiipan664144 / vecteezy.com
Pry sprobie ŭvachodu ŭ prahramu ŭładalnikam ajfonaŭ vystaŭlajucca płaški nastupnaha źmiestu:
«Psiphon bolš nie biaspłatny ŭ vašym rehijonie. Dapamažycie zachavać Psiphon biaspłatnym dla tych, chto bolš za ŭsio ŭ im maje patrebu! Padpišyciesia zaraz ci kupicie Speed Boost».
Kałaž: Tochka.by
Za tydniovuju padpisku prahrama prosić zapłacić 2,99 dalara, za miesiačnuju — 9,99, a hadavaja abyjdziecca ŭ 71,99. Paśla jaje kupli stvaralniki abiacajuć pavialičyć chutkaść internetu i prybrać rekłamu. Padpiska budzie praciahvacca aŭtamatyčna, a adklučyć jaje možna ŭ luby momant.
Jość i bolš tannaja pasłuha, Speed Boost, jakaja dazvalaje tolki pavialičyć chutkaść internetu. Padklučyć jaje možna za ŭnutranuju valutu prahramy, jakuju možna nabyć za sapraŭdnyja hrošy.
Kałaž: Tochka.by
Padpiska na miesiac tut kaštuje 3000 PsiCash, kupić 4000 PsiCash možna za 3,99 dalara.
Płatnaja padpiska źjaviłasia paśla niadaŭniaha abnaŭleńnia prahramy. Nie vyklučana, što z nastupnym abnaŭleńniem biaspłatnaje skarystańnie skončycca i dla karystalnikaŭ Android.
Čytajcie taksama:
Jak ułasnymi rukami stvaryć VPN-siervier, jaki ciažka budzie zabłakavać — padrabiazny hajd
Sychodzić epocha. Microsoft vydalić z Windows lehiendarny tekstavy redaktar
U Vašynhtonie mužčynu abrabavali. Ale viarnuli telefon, bo heta byŭ Android
