«Kamiedyju Judzifi» kupałaŭcy ŭžo pakazvali niekalki razoŭ u Polščy, ale anłajn dla hledačoŭ z roznych krain jaje prezientujuć upieršyniu.
«Kachanieńkija našy rodnieńkija! Jak i abiacali, nie budziem prymušać vas čakać! Siońnia, a 20-j (Miensk) / a 18-j (Varšava), na našym YouTube-kanale premjera ekśpierymientalnaha śpiektakla «Kamiedyja Judzifi» (rež. Pavieł Pasini)», — paviedamlajuć jany ŭ svaim instahramie.
Zoja Biełachvościk, vykanaŭca hałoŭnaj roli, kaža, što hety śpiektakl pra ŭsie vojny śvietu, byłyja, siońniašnija i budučyja.
«Žach pierad vorahami — vyklik dla Judzifi, jaje viery, čyścini, hodnaści i viernaści svajmu narodu! Jana vybiraje podźvih. Ale hetaja žančyna — nie ikona, jana adna z nas».
- Aŭtar pjesy — Siarhiej Kavaloŭ
- Režysior — Pavieł Pasini
- Scenahrafija — Alaksandra Kanarskaja
- Pierakład — Natalla Rusieckaja, Małhažata Buchalik, Vasil Siomucha
Roli vykonvajuć — Zoja Biełachvościk, Alaksandr Harcujeŭ, Alaksandr Kazieła, Valancina Harcujeva.
Nahadajem, što ŭvosień 2020 hoda bolšaść akcioraŭ i piersanału Kupałaŭskaha teatra pakinuli jaho i byli vymušanyja vyjechać z krainy.
Čytajcie taksama:
